"Hafka" ləqəbi ilə tanınan iş adamı Hafiz Məmmədov ötən axşam Bakıda bahalı restoranların birində "Atletiko Madrid" klubunun rəhbərliyinə qonaqlıq verib.
AZXEBER.COM-un əldə etdiyi məlumata görə, "Qarabağ"la oyundan sonra "Hafka" klub rəhbərliyinə və bəzi futbolçulara Bakının bahalı restoranlarından birində qonaqlıq verib. Gecəyarısına kimi davam edən qonaqlıqda bahalı içkilər içilib. "Hafka" qonaqlarına əyləncə də təşkil edib.
Mənbənin sözlərinə görə, qonaqlıqda yüksək çinli məmurlar da olub.
Qeyd edək ki, sonuncu dəfə 2014-cü ildə Hafiz Məmmədovun təşkilatçılığı ilə "Atletiko" (Madrid) klubunun prezidenti Enrike Serezo, klubun baş direktoru Anxel Gil Marin, komandanın kapitanı Qabi və türkiyəli futbolçu Arda Turan Bakıya gəlmişdi. Həmin il "La Liqa"da çempionluq elan edən klub rəsmiləri özləri ilə birlikdə çempionluq kubokunu da gətirmişdilər.
Bundan başqa Hafiz Məmmədov hələ o dövürdən təhlükə altında olan biznesini qorumaq üçün "Land of fire Azerbaijan" layihəsini həyata keçirmiş və bu devizi "Atletiko" (Madrid) klubunun formalarına yazdırtmışdı.
Yeni bir layihə olan Maraqlı TV (MTV) kanalı eyni zamanda SİZİN – TAMAŞAÇILARIN lahiyəsidir. Ona görə də SİZİN kanal haqqında fikirləriniz, təklif və iradlarınız bizim üçün çox əhəmiyyətlidir. Xahiş edirik, əgər videoları bəyənirsinizsə, KANALINIZA ABUNƏ olmaqla yanaşı TƏKLİF VƏ İRADLARINIZI (etik qaydalar çərçivəsində!) da videoların altında şərh olaraq yazıb bizə bildirəsiniz! Əvvəlcədən TƏŞƏKKÜRLƏR!
