Drejtësia në Kosovë transmeton emisionin ekskluziv për trafikimin ndërkombëtar të drogave në Kosovë.
I realizuar në bashkëpunim me Njësitë e Antidrogës në Policinë e Kosovës, emisioni sjell pamje ekskluzive të shkatërrimit të rrjeteve të trafikimit të heroinës, kokainës dhe marijuhanës ,të cilat rrjete dyshohen të kenë trafikuar deri në 300 kilogramë narkotikë.
Gjatë emisionit shikuesit kanë mundësinë të shohin nga afër këto operacione dhe ndërhyrjet e policisë në kapjen e të dyshuarve si dhe konfiskimin e armëve dhe narkotikëve.
Po ashtu emisioni trajton mënyrat e kamuflazhit të narkotikëve dhe lidhjet ndërkombëtare të rrjeteve të trafikimit të cilat operojnë në vend.
Ndiqni pamje ekskluzive të operacioneve të rrezikshmërisë së lartë të realizuara në Pejë kur u konfiskuan 120kg marijuhanë, pamjet ekskluzive të konfiskimit të 7 kilogramëve heroinë në fshatin Shkabaj, të konfiskimit të 12 kilogramëve marijuhanë në rrethin e Gjakovës dhe të konfiskimit të dy kilogramëve heroinë në Ferizaj në një rast dhe 3 kilogramëve të së njëjtës drogë, në rastin tjetër në po të njëjtin qytet.
