Përpara samitit të së enjtes në Bruksel, kreu i NATO-s Jens Stoltenberg ka mbajtur këtë të mërkurë një konferencë për shtyp ku është shprehur se aleanca do të forcojë praninë e saj ushtarake në krahun lindor.
Teksa Perëndimi po përballet me krizën më të madhe të sigurisë ndër dekada, Stoltenberg tha se aleatët do të diskutojnë mbi dërgimin e 4 grupeve ushtarake që do të vendosen në Sllovaki, Hungari, Bullgari dhe Rumani.
Kreu i aleancës gjithashtu u shpreh se në samit do të diskutohet edhe roli i Kinës në konfliktin Rusi -Ukrainë pasi Pekini i ka ofruar mbështetje politike Moskës.
“Kina i ka ofruar mbështetje politike Rusisë, duke përhapur gënjeshtra dhe lajme të rreme. Aleatët janë të shqetësuar shqetësuar se Kina mund t’i ofrojë ndihmë materiale Rusisë”.
Stoltenberg paralajmëroi Rusinë për përdorimin e armëve bërthamore, biologjike ose kimike në Ukrainë, ndërsa theksoi gatishmërinë e NATO-s për të "mbrojtur aleatët kundër çdo kërcënimi në çdo kohë".
“Së pari dua të theksoj se përdorimi i armëve kimike do ta ndryshonte tërësisht natyrën e konfliktit. Pasi do kishte një thyerje të ligjit ndërkombëtar dhe do të kishte pasoja të rënda”.
Lufta e Ukrainës vë në diskutim edhe pjesëmarrjen e Rusisë në grupin e 20 ekonomive më të mëdha të botës.
Agjencia e lajmeve Reuters shkruan se Shtetet e Bashkuara dhe aleatët perëndimorë nuk përjashtojnë mundësinë që të kërkojnë largimin e Rusisë nga ky grup, si ndëshkim për sulmin në Ukrainë.
Megjithatë, kjo ka pak gjasa të ndodhë pasi mjafton vetoja e një prej anëtarëve për të penguar përjashtimin e Rusisë dhe Kremlinin gëzon mbështetjen e Kinës.
Moska njoftoi se Presidenti rus Vladimir Putin do të jetë i pranishëm në samitin që do të zhvillohet në 30 – 31 Tetor në Indonezi, vend që ka Presidencën e radhës të G-20.
SUBSCRIBE to “RTV KLAN” on YouTube for more videos!
Email: info@tvklan.al
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
