Դեպի Ստեփանակերտի հուշահամալիր, իսկ այնտեղից` Շուշի տանող ճանապարհն մայիսի 9-ին առանձնապես մարդաշատ էր: Տոնական տրամադրությունը բոլորի հետ կիսելու ցանկությունն էր այստեղ առաջնորդում թե բարձրաստիճան պաշտոնյաներին եւ թե շարքային քաղաքացիներին ու հյուրերին: Մայրաքաղաքի տոնական տրամադրությունը առավոտից կենտրոնական փողոցներով հոսում էր դեպի Ստեփանակերտի հուշահամալիր: Մեծ հայրենականի զոհերի հիշատակին կանգնեցված կոթողին Արցախցին խոնարհվում է ամեն մայիսի 9-ի, երկրորդ աշխարհամարտի օրերին հիմնադրված եղբայրական գերեզմանոցում այսօր հանգչում են նաև նրանք, ովքեր իրենց կյանքն են զոհաբերել Արցախի ազատագրման ճանապարհին: Երկու պատերազմների նահատակների հիշատակին այսօր խոնարհվելու էին եկել Արցախի գործող և նախկին նախագահները, Բակո Սահակյանը, Ռոբերտ Քոչարյանը, Արկադի Ղուկասյանը: Հայաստանի Հանրապետության պաշտոնական պատվիրակությունը գլխավորում է Ազգային ժողովի նախագահ Հովիկ Աբրահամյանը:
ԱՐՑԱԽԻ ՀԵՌՈՒՍՏԱՏԵՍՈՒԹՅՈՒՆ
