زۆری نرخی كارەبای مۆلیدە بارگرانی لەسەر هاوڵاتیان دروست دەكات
مۆلیدە ئەهلییەكان لەشەو و رۆژێكدا 17 كاتژمێر كارەبایان داوە بەهاوڵاتیان
لە مانگی تەموزدا حكومەت تەنها حەوت كاتژمێر كارەبای داوە بەهاوڵاتیان
سلێمانی؛ نرخی ئەمپێرێك كارەبا لەنێوان 16 هەزارو 500 بۆ 18 هەزار دینار دەبێت
بەهۆی ئەوەی حكومەتی هەرێم ناتوانێت كارەبای نیشتمانی پێویست بۆ هاوڵاتیان دابین بكات، نرخی ئەمپێرێك كارەبا مۆلیدە بۆ نزیكەی 20 هەزار دینار بەرزدەبێتەوە‌و ئەوەش بارگرانی لەسەر شانی هاوڵاتیان دروستكردوە، لە مانگی تەمموزدا حكومەت نەیتوانیوە ئەوەندە مۆلیدە ئەهلیەكان دابین بكات.
دیاریكردنی نرخی پێدانی كاتژمێرەكانی كارەبای مۆلیدە لە نێوان 16 هەزار و 500 دینار بۆ 18 هەزار نیگەرانی هاوڵاتیانی لێكەوتوەتەوە.
ئەو نرخە زۆرە بۆ یەك ئەمپێر كارەبا بارگرانی دەخاتە سەرشانی هاوڵاتیان و بەشێكیان بەهۆی خراپی گوزەرانیانەوە توانای دابینكردنی ئەو بڕە پارەیەیان نیە.
هاوڵاتیان حكومەتی هەرێم بە كەمتەرخەم و بێ پلان دەزانن و پێیانوایە ئاگایان لە بارودۆخی خەڵك نیەو هەرشتێك لەگەڵ بەرژەوەندیەكانیاندا یەك نەگرێتەوە چارەسەری ناكەن، ئەمەش دۆخێكی نائومێدی بۆ خەڵك دروست كردوە.
خاوەنی مۆلیدە ئەهلیەكان دەڵێن: ئەگەر حكومەت هاوشێوەی 4 ساڵ لەمەوبەر سوتەمەنی بۆ دابین بكردنایە ئەوان پارەیەكی كەمتریان لە هاوڵاتیان وەردەگرت و جیاوازی نێوان كاتژمێرەكانی پێدانی كارەبای نیشتیمانیش لە مانگێكەوە بۆ مانگێكی تر و گرانبوونی نرخی سوتەمەنی وایكرد نرخی ئەمپێرەكانی كارەبای مۆلیدەش بەرز بێتەوە، تەنها لە مانگی تەمموزدا پێدانی كارەبای مۆلیدە ئەهلییەكان لە سلێمانی 400 كاتژمێر بۆ 435 كاتژمێرە، نرخی ئەمپێرێكیش بە 41 دینارو نیوە، كە دەكاتە 18 هەزار دینار مۆلیدە ئەهلییەكان 435 كاتژمێر كارەبایانداوە بەهاوڵاتیان رۆژانە دەكاتە17 كاتژمێر و حكومەتیش 224 كاتژمێر كارەبای داوە بەهاوڵاتیان رۆژانە تەنها حەوت كاتژمێر دەكات.
→ website: [ Ссылка ]
→ Facebook: [ Ссылка ]
→ youtube: [ Ссылка ]
→ [ Ссылка ]
→ Instagram: [ Ссылка ]?
hl=enhttps://twitter.com/knncchannel
