استعد يا بطل و جهز الحزام علشان احتمال نشدوا قريب اوي !
رئيس الوزراء الدكتور مصطفى مدبولي امبارح حذر في مؤتمر صحفي من إن الوضع الإقليمي ممكن صعوبته تزيد قريب اوي ، وده بالتاكيد هيأثر على كل دول المنطقة، بما فيها مصر.
الحكومة لحد دلوقتي قادرة تأمن احتياجات المواطنين وتضمن استمرار حركة الاقتصاد. لكن مدبولي قال إنه لو الأمور اتطورت، ممكن نحتاج نرشد استخدام السيارات بالذات و ده بسبب توقعات بارتفاع ضخم في أسعار البترول، أرقام "عمرنا ما شفناها" ، قال كده بالنص.
وكمان طمن المواطنين إن مصر عندها احتياطي استراتيجي من السلع الأساسية، زي القمح اللي هيكفينا لمدة 5 شهور ادام ، وإن الدولة شغالة على سيناريوهات استباقية لتأمين الوقود والكهرباء.
وأكد إنه لو حصل تصعيد واتحولت الأزمة اللي دايره دي لحرب إقليمية، هنتعامل مع اقتصاد حرب، وده هيخلينا مجبرين نطبق إجراءات استثنائية علينا كلنا.
