Элифбе байрамы.
Сёз. Аблязиз Велиев.
Муз. Сервер Какура.
KAPAOKE
Авесликнен окъудыкъ,
Элифбе арифлерин.
А-дан тутып Я-гъа дже,
Огрендик биз эр бирин.
А, Б, В, Г, Гъ, Д, Е,
Ерлештилер сыранен.
Ерлештилер сыранен,
А, Б, В, Г, Гъ, Д, Е.
Элифбе байрамына,
Азырландыкъ эпимиз.
Эр феске бирер ариф,
Яздыкъ бизлер эпимиз.
Арифлерни огреткен,
Элифбеге тешеккюр.
Элифбени огреткен,
Оджамызгъа тешеккюр.
Сагълыкънен къал, Элифбе,
Биз сени унутмамыз.
Китап алгъанда эльге,
Севип, сайып анъармыз.
