صفقة رأس الحكمة ركبت التريند مرّة تانية!! يا ترى ايه الحكاية ؟
امبارح تم الإعلان عن مخطط مشروع تطوير رأس الحكمة، وده كان بحضور الرئيس السيسي، والرئيس الإماراتي، محمد بن زايد.
والخبر كان التريند رقم واحد على كل مواقع التواصل، ما بين ناس بتحتفل بالمشروع وناس داخلة تشتم.
صفقة رأس الحكمة ان كانت عاجباك ولا لأ، ف هي أكبر مشروع استثماري في المنطقة كلها، والاستثمارات المباشرة للصفقة أكبر ٣ مرات من كل الاستثمارات المباشرة اللي جمعتها بلد زي السعوديّة من بداية السنة، وده مش تقليل من السعوديّة أبداً، بس توضيح عن ان حجم المشروع والاستثمارات اللي دخلها لمصر عامل ازاي.
مشروع رأس الحكمة هو واحد من أهم المشاريع في المنطقة كلها، وهيوفر أكتر من ٧٥٠ الف فرصة عمل بشكل مباشر وغير مباشر، وده يخلينا نسأل، ليه المشروع بيتعرض للهجوم الكبير ده ؟
وايه الهدف من زرع الفتنة بين الامارات ومصر؟
