İndi Günah Nə Səndədir, Nə Məndə.
Söz - Həmid Abbas
Mus - Oqtay Rəcəbov
İfa - Aygün Bəylər

Sevişəndə iki idik,
Ən saf büllurtəki idik,
Yüz ilqarın kökü idik,
İndi günah nə səndədir, nə məndə.

Güneylərdə bələnərdik,
Quzeylerde ələnərdik,
Məhəbbətlə dinlənərdik,
İndi günah nə səndədir, nə məndə.

Hər ikimiz bilə-bilə,
Nədən belə qalxdıq zilə?
Göz yaşımız dönüb selə,
İndi günah nə səndədir, nə məndə.

Aydan arı, sudan duru,
Hərəmiz bir evin nuru,
Həm yaş yanır, həmdə quru
İndi günah nə səndədir, nə məndə.

свернуть