Kreu i Bindjes Demokratike, Astrit Patozi deklaron se sistemi aktual zgjedhor nuk po mbrohet vetem nga Partia Socialiste por edhe nga Partia Demokratike. Për “ABC News”, Patozi shprehet se me shtyrjen e temës së diskutimit për sistemin, PD po përfiton vetëm kohë, ndërsa shprehet i bindur se opozita nuk do zgjedhje të parakohshme.

Qëndrimi i tanishëm i PD dhe aleatëve të saj për të mos mos kërkuar ndryshim të sistemit zgjedhor nuk është e papritur për kreun e Bindjes Demokratike, Astrit Patozi. Ai e sheh PD në një linjë me partinë në pushtet, PS lidhur me këtë çështje.

“PD dhe PS avokat të këtij sistemi, i është bashkuar edhe LSI, edhe pse në 2008 bënte greva urie”, u shpreh ai.

Koha e pamjaftueshme është argumenti që jep opozita lidhur me shtyrjen e ndryshimit të sistemit zgjedhor për një moment të dytë, por sipas Patozit kjo nuk qëndron.  Prej sistemit aktual zgjedhor përfituesen kryesore kreu i Bindjes Demokratike e sheh partinë në pushtet, ndërsa për PD thonë se ka një mjet një nuk e përdor për të larguar PS nga pushteti përmes votës.

Beteja për një sistem tjetër zgjedhor do të jetë e gjatë dhe e vështirë thotë Patozi, ndërsa bën ftesë për bashkim të të zërave pro ndryshimit.

“Referendumi mund të jetë një opsion për ndryshimin e sistemit, por jo tani”, shprehet ai.

Këtë javë Shoqëria civile dorëzoi në Kuvend 50 mijë firma të qytetarëve si dhe draftin me propozime për ndryshimin e sistemit zgjedhor. Dorëzimi i firmave i firmave u bë në prani të deputetëve të opozitës së re që kërkojnë ndryshimin e sistemit./abcnews.al

Per informacionet me te fundit klikoni:

Web: [ Ссылка ]

Facebook: [ Ссылка ]

Instagram: [ Ссылка ]

Subscribe kanalin tone ne: youtube:[ Ссылка ]

#abcnews #abcnewsalbania

свернуть