Йеменде хусит бүлікшілерінің Сауд Арабиясы бастаған күштерге қарсы атқан зымыраны ел астанасы Сана қаласындағы бір ауданға түсті.

Салдарынан 10 бейбіт тұрғын қаза тапты. Ал президент Абд Раббу Мансур Хадиге көмектесіп жатқан араб мемлекеттерінің әскері бүлікшілерге әуеден соққы беріп, 50 хуситті жер жастандырды. Сонымен қатар коалициялық күштер Рас-Иса кемежайы маңында хуситтердің баллистикалық зымыранын жойды.

Айта кетейік, Йемендегі хуситтер соңғы аптада Сауд Арабиясының әскери және мұнай-газ өндірісі нысандарына соққы беретінін мәлімдеген. Сөйтіп Эр-Рияд қаласын зымыранмен атқылаған. Алайда саудиялық әуе қорғанысы оқтұмсықты дарытпай, көкте атып түсірді. Осыдан кейін АҚШ БҰҰ Қауіпсіздік кеңесінде Иранның баллистикалық зымыран бағдарламасын шектейтін қарар қабылдау туралы ұсыныс жасады. Өйткені Вашингтонның пайымынша, хуситтерге зымыран жеткізіп отырған – Тегеран. Ал соңғы мәліметке қарағанда, президент Абд Раббу Мансур Хади жақтастары хуситтердің қолынан ел аумағының 85 пайызын азат еткен.

свернуть