Айтулы датаны ақтөбеліктер де жоғары деңгейде атап өтті.

Аймақтың белсенді жастары бұл күні флешмоб ұйымдастырып, концерттік бағдарлама даярлаған.

Музыкалық қойылымға атсалысқан жастардың дені ел астанасымен түйдей құрдас. Жиырмаға жеткен өрендердің қатарында Алмат Бердоңғаров та бар. «Жазғы демалыста Астанада өткен EXPO 2017 халықаралық көрмеде ерікте ретінде қолғабыс болдым», – дейді ақтөбелік студент. Қазақстанның бас қаласы қарыштап дамығанын өз көзіммен көріп, жүрегін мақтаныш сезімі кернегенін жасырмады.

Алмат Бердоңғаров, студент:

– Біз бақытты ұрпақпыз. Себебі ата-бабаларымыз аңсаған, сол үшін күрескен, тәуелсіз елде өсіп келеміз. Ал Астана –тәуелсіздігіміздің жемісі. Ол жерге әрбір шетелдіктердің тамсанып, келіп тамашалағанын көргенімде бойымды қуаныш сезім кернеді. Сондықтан Астанаға деген мақтаныш әрбір қазақстандықтың сезімі деп білем.

Қазақстан Республикасы Тұңғыш Президенті күні есігін айқара ашқан өнер орталығында жастардың алғаш бас қосуы. Өңірдегі мәдениет ошағының біріне айналған жаңа ғимарата студенттер өнерлерін ортаға салып, флешмоб ұйымдастырды. Тарихқа көз жүгіртіп, Астананың даму кадамы сөз болды. Өз кезегінде өңір басшысы Бердібек Сапарбаев еліміздің одан ары дамуына тікелей үлес қосатын бүгінгі жастар екендігін жеткізді.

Бердібек Сапарбаев, Ақтөбе облысының әкімі:

– Ақтөбенің жастары дүние жүзіндегі жастарға сәйкес болуы керек. Білім жағынан, мәдениет, өнер, спорт жағынан. Сендер біздің болашағымызсыздар. Сіздерге жақсылық табыс тілейміз. Әр уақытта осылай бірге болсақ, Қазақстанымыз гүлденіп жайнай береді.

Флешмобтың арты концерттік бағдарламаға ұласып, жастардың жиынына еліміздің белігілі өнер майталмандары «МузАрт» тобы да үн қосты.

Авторлары: Мансұр Есқожин, Айнадин Молдабеков, Айбек Даутов

свернуть