Joe Biden ka fituar garën për mandatin presidencial në 4 vitet e ardhshme, duke mundur Donald Trumpin, përmes një procesi votimi që si asnjëherë më parë polarizoi shoqërinë amerikane.
Mediat kryesore amerikane si CNN, BBC, Associated Press dhe Fox News tashmë kanë projektuar fitoren e Biden, duke llogaritur se diferenca në shtetet ku ende numërohet është e tillë që rezultati nuk mund të përmbyset, pas disa ditësh që Biden ka udhëhequr rezultatin.
Biden ka shpallur fitoren përmes një mesazhi përbashkues, në një atmosferë zgjedhore konfliktuale të mbushur me akuza dhe kontestime të rezultatit.
“Amerikë, jam i nderuar që t’i më zgjodhe për të udhëhequr vendin tonë madhështor. Puna përpara do të jetë e vështirë, por unë ju premtoj këtë: Do të jem President i të gjithë amerikanëve, pavarësisht nëse votuat për mua apo jo. Do ta ruaj besimin që më dhatë”, shkruan Biden.
Rezultati i këtyre zgjedhjeve sjell në Shtëpinë e Bardhë 78-vjeçarin Joe Biden, presidentin me moshën më të madhe në historinë e SHBA, por edhe Kamala Harris, gruan e parë në postin e zv.Presidentes.
Që nga viti 1990, Donald Trump është presidenti i parë që gëzon vetëm një mandat në Shtëpinë e Bardhë.
Rezultatet nuk janë ende zyrtare, por projeksionet e mediave bazohen në të dhënat që vijnë nga qendrat e numërimit në disa shtete ku procesi vazhdon ende.
Këto zgjedhje shënojnë edhe kthesën më të madhe të rezultatit që nga viti 1900, për shkak të votave me postë, që u këshilluan për elektoratin demokrat dhe u numëruan me vonesë.
Biden ka fituar më shumë se 73 milionë vota deri tani, ndërsa Trump rreth 70 milionë.
Ndërkohë që numërimi ende vazhdonte, Trump dha sinjale se ai ishte fitues i zgjedhjeve kur procesi i numërimit ende nuk kishte përfunduar. Me pretendimin se pati manipulime gjatë numërimit, Trump ka bërë një seri ankimimesh në gjykata.
Joe Biden kthehet në Shtëpinë e Bardhë pasi shërbeu aty për 8 vite si zv.President i Barack Obamës.
Tv Klan
SUBSCRIBE to “RTV KLAN” on YouTube for more videos!
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
