Kryeministri Edi Rama e komentoi të pazakontë situatën e krijuar brenda Partisë Demokratike, ku së fundimi kredemokrati Lulzim Basha përjashtoi nga PD Sali Berishën me mbështetësit e tij.

Marrëdhënien e tensionuar mes Bashës dhe Berishës, kryeministri e ka emërtuar një kacafytje të veçantë, ku të dy protagonistët politikë janë të lidhur fort me njëri- tjetrin dhe nëse bie njëri, bie dhe tjetri.

“Fitoret kanë qenë karakteristikë e jona. Patjetër kjo është për të qarë dhe për të qeshur, por unë nuk mund të qaj për gjendjen dramatik që është PD. Nuk më rezulton që ne të kemi ndërtuar fortifikime për t’u mbrojtur prej tyre. Jemi të gjithë bashkë, jo në proces vetjak që janë të dyja kufomat që kanë marrë peng demokratët duke u kacafytur me njëri tjetrin. Është një kacafytje e veçantë, që po ra njëri bie dhe tjetri, janë dy mbetje të ndara përgjysmë”, tha Rama.

Sipas tij, demokratët duhet të dalin nga kjo situatë duke i lënë të dyja “kufomat” dhe parë përpara.

“Njëri kufomë me seli tjetri pa seli, njëri i mbyllur në selinë blu tjetri i kyçur në listën e zezë, uroj që demokratët të dalin nga kjo duke i lënë këto kufoma dhe duke parë përpara. Nuk dimë më se kush është kush në këtë histori dhe kush përfaqëson kë. Të dy këta të mbetur nga e shkuara në këmbë nuk kanë asnjë legjitimitet veç e veç, deputetët janë legjitimë se janë aty me votën e popullit”, tha kryeministri.

Në lidhje me pyetjen nëse do të ketë bashkëpunim me opozitën, Rama e la të hapur çështjen, duke theksuar se pritet si të do të jenë zhvillimet, nëse situata do të qetësohet apo jo.

“Situata është e vështirë dhe do të shikojmë si do të zhvillohet,, uroj që dhuna që pamë dhe fortifikimet që janë anë të njëjtës medalje të mbeten mbrapa”, tha ai.

Këtë të martë, Sali Berisha u përjashtuar përgjithmonë nga Partia Demokratike bashkë me mbështetësit e tij.

Në një mbledhje maratonë të kryesisë, që nisi në orën 19:00 të së hënës dhe përfundoi në orën 3:30 të mëngjesit, u mor vendimi për përjashtimin e anëtarëve të të Komisionit të Rithemelimit të PD-së Bujar Nishani, Flamur Noka, Albana Vokshi, Edmond Spaho, Arben Ristani, Rigels Muçollari, Klevis Balliu dhe Keltis Kruja.

Ndërkohë, janë pezulluar deputetët: Agron Shehaj, Aldo Bumçi, Belind Kelliçi, Blendi Himci, Çlirim Gjata, Edit Harxhi, Edi Paloka, Eno Bozdo, Ervin Minarolli, Gent Deromemaj, Genc Pollo, Genti Strazimiri, Rigels Mucollari, Ivi Kaso, Ledina Mandia, Luan Baci, Lorenc Luka, Mimoza Hajdarmataj, Oerd Bylykbashi dhe Tritan Shehu.

Zhvillimet brenda partisë vijnë tre ditë pas protestës të thirrur nga Berisha.

Demokratët u mblodhën para selisë blu, në një tubim që përfundoi në përplasje fizike. Shtëpia e demokratëve u dëmtua pas përpjekjeve të protestuesve për të hapur dyert e dritaret e për liruar, siç thonë ata, nga kthetrat e Bashës, selinë që i përket të gjithë demokratëve.

Muajt e fundit, Partia Demokratike është përballur me një betejë të brendshme politike mes kryedemokratit Lulzim basha dhe mbështetësve të tij e nga ana tjetër Sali Berishës dhe mbështetësve të tij.

Berisha thirri Kuvendin Kombëtar të partisë në 8 dhjetor dhe më pas në vend u mbajt referendumi, ku demokratët votuan për shkarkimin e Bashës dhe u ngrit Komisioni i Përkohshëm i Rithemelimit të PD-së. Të gjitha këto lëvizje të Berishës, janë cilësuar jo legjitime nga PD-ja zyrtare.

Departamenti i Informacionit, më i madhi, më kryesori në Top Channel, i cili shënoi fillimin e televizionit me edicionin e lajmeve në 20 dhjetor 2001. Përmes informacioneve të shpejta, të sakta dhe të thelluara, reportazheve dhe rubrikave të tjera informative, Top Channel është kthyer në burimin kryesor dhe me prestigjioz të informimit të të gjithëve në Shqipëri, në hapësirën mbarëshqiptare dhe kudo tjetër në botë ku shqiptarët jetojnë. Top Channel është i pranishëm me kamerat dhe gazetarët e tij në të gjitha ngjarjet më të rëndësishme të vendit dhe në botë, me edicionet e tij informative.

Për më shumë vizitoni: [ Ссылка ]

Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#EdiRama#LulzimBasha#TopChannelNews

свернуть