БІЗДІҢ YOUTUBE АРНАҒА ТІРКЕЛІҢІЗ: [ Ссылка ]
---------------------------------------------
Теңдессіз жобамызға көз салыңыз: [ Ссылка ]
Бишімбаев ісі - [ Ссылка ]
Су тасқыны бойынша барлық ақпарат - [ Ссылка ]
Жұмбақ өлімдер - [ Ссылка ]

Бүгінгі шығарылымда:
Жамбыл облысындағы жантүршігерлік жол апатынан зардап шеккен Тойота Альфард көлігінің жүргізушісінің жағдайы өте ауыр. Дәрігерлерге 25 жастағы азаматтың оң аяғына ампутация жасауға тура келген. Ауруханаға жеткізілген тағы төрт науқас ем алуда. Оның біреуі бала. Өткен демалыста болған оқиғадан екі полиция қызметкері мен төрт жолаушы қайтыс болған еді. Қызмет барысында қаза тапқан тәртіп сақшылары «Айбын» орденімен марапатталады. Ғалым Арыстанбаев пен Абылайхан Әбішкенді туыстары, әріптестері мен ауылдастары күні кеше ақтық сапарға шығарып салған еді.
Алты бірдей адамның өмірін жалмаған жол апаты Меркі-Шу-Бурылбайтал тас жолында түнде болған. «Тойота альфард» көлігі қарсы бетке шығып, патрульдік полиция көлігіне соқтығысқан. Соның салдарынан Ішкі Істер органының екі қызметкері мен төрт жолаушы оқиға орнында көз жұмды. Ал, тойота альфард көлігінің жүргізушісі мен тағы үш жолаушы ауыр халде ауруханаға жеткізілген болатын. Дәрігерлердің айтуынша, үш жолаушы жарақат бөліміне жатқызылған. Ал көлікті тізгіндеген азаматтың жағдайы ауыр дейді.
СМАҒҰЛ ДӘУЛЕТОВ, Меркі аудандық көпбейінді орталық ауруханасы бас дәрігерінің орынбасары:
– Травматология бөліміне жатқызылған бір науқасқа ота жасалды. Қазіргі жағдайы қалыпты. Емін жалғастыруда. Екі науқас туыстарының сұранысы бойынша тұрғылықты жеріне жіберілді. Жансақтау бөлімінде жатқызылған науқасқа екі ота жасалды. Қазіргі таңда сол аяғына ота жасау жоспарлануда.
Айдың-күннің аманында екі полицей үйіне табытпен оралды. Қызметтік міндеттерін атқарып жүрген тәртіп сақшыларын ақтық сапарға шығарып салуға туыстары, әріптестері мен ауылдастары түгел жиналды. Солардың бірі 11 баланың әкесі Ғалым Арыстанбаев. Полиция капитаны үш ұлынан бөлек қатарынан 8 баланы асырап алған екен. Туыстары Ғалым өте кеңпейіл, қамқоршы болды десе, әріптестері өз ісіне адал қызметкер еді деп еске алды.
НҰРБОЛАТ ҚАЗЫБЕК, Ғалым Арыстанбаевтың ұлы:
– Мен әкемді өте қатты жақсы көретінмін. Әкемді үлгілі адам көретінмін. Әкемді мақтан тұтатынмын. Мен өскен кезде әкемнің ізін басып, әкем сияқты полиция қызметкері болғым келеді. Әкем өз жұмысын өте қатты жақсы көретін. Бізбен бірге аз уақыт өткізсе де ол уақытты сапалы, қызықты қылып өткізетін.
Ал көз жұмған тағы бір полицей Абылайхан Әбішкенің жасы небәрі 32-де екен. Оның артында әйелі мен екі баласы қалды. Әріптестерінің айтуынша, қызметке адал маман ата-анасының үміті мен қуанышы еді.
АРМАН САДАНОВ, ҚР ІІМ ӨЗІНДІК ҚАУІПСІЗДІК ДЕПАРТАМЕНТІНІҢ БАСТЫҒЫ:
– Абылайхан мен Ғалымды «Айбын» орденіне ұсыну, сондай тапсырма берілді. Балаларына бүкіл жағдай жасалады. Мектепте де, кәмелетке толғанша, толғаннан кейін де біздің ІІМ-інің жоғары білім оқу орындарына барамыз десе оған да үлкен үлесімізді қосамыз.
Полиция адам өліміне әкеп соққан жол қозғалысы ережелерін бұзу дерегі бойынша сотқа дейінгі тергеу жүргізіп жатыр. Жалпы, елімізде Тойота альфард көлігінің қатысуымен жол апаттары жиілеген. Жеті орындық машинаны тізгіндейтін азаматтардың дені күні-түні жолаушы тасымалдап, жылдамдықты жиі асырады дейді жолаушылар.

---------------------------------------------
Біз барлық әлеуметтік желідеміз, тіркеліңіз:
Бізді әлеуметтік желіде оқыңыздар:
Информбюро 31 [ Ссылка ]
Informburo kz [ Ссылка ]
Facebook - [ Ссылка ]
Instagram - [ Ссылка ]
WhatApp - [ Ссылка ]
TikTok - [ Ссылка ]
Біздің сайт: www.31.kz және www.informburo.kz

#Информбюро #31арна #БастыЖаңалықтар #АқиқатынАйтайық

свернуть