Լոռեցի երիտասարդը, բարձրանալով Սպիտակի կենտրոնական հրապարակում ԲՀԿ-ի քարոզարշավի համար տեղադրված հարթակ ու դիմելով Գագիկ Ծառուկյանին, ասում էր. «Մարդուն իր գործերից են ճանաչում: Էս ամենը ինձ թվում է իզուր է, որովհետև մենք արդեն ճանաչում ենք: Երբ որ դուք քառօրյա պատերազմի ժամանակ կանգնեցիք զինվորի կողքին, ոչ ոք չկանգնեց, ո՛չ մեր պրեզիդենտը, ո՛չ էլ իրա ախպերը, ո՛չ էլ…»: Սակայն Գագիկ Ծառուկյանն ընդհատում է նրա խոսքն ու ասում՝ «Ստեղ մենք չենք քաղաքականացնում, մի րոպե, մի րոպե...»:
