4N.al
[ Ссылка ]
[ Ссылка ]
#4newsalbania #vip #lajme #lajmeshqip
Policia e Shtetit ka finalizuar operacionin e koduar “Metamorfoza”, ku në pranga ditën e enjte ka përfunduar ish-drejtori i forcave operacionale në policinë e shtetit Oltion Bistri, drejtuesi i prokurorisë së Kukësit Xhevahir Lita, biznesmeni Pëllumb Gjoka si dhe shtetasit Esmar Bilali, Ardit Hasanbenga dhe Edmond Preka.
Ndërkohë, këtë të premte, është njoftuar se janë arrestuar në total tetë persona dhe janë shpallur në kërkim nëntë të tjerë.
Sakaq, blutë kanë sekuestruar një arsenal armësh, 8 automjete (4 prej tyre të blinduara), maska, paruke dhe sende të tjera të paligjshme që përdoreshin nga pjesëtarët e grupit kriminal.
Njoftimi i Policisë:
Finalizohet një operacion me shkallë të lartë vështirësie, i koduar “Metamorfoza”.
Në operacion u përfshinë Forcat Speciale RENEA, FNSH, Forca e Posaçme Operacionale, Sektori për Hetimin e Grupeve Kriminale në Drejtorinë për Hetimin e Krimit të Organizuar në Departamentin e Policisë Kirminale, drejtoritë vendore të Policisë Shkodër, Lezhë, Vlorë dhe Tiranë, në drejtimin e SPAK-ut.
Ekzekutohen masat e sigurisë “Arrest në burg”, për 6 shtetas. Shpallen në kërkim 9 shtetas të tjerë.
Gjatë operacionit u arrestuan në flagrancë edhe 2 shtetas të tjerë, për armëmbajtje pa leje dhe veprime që pengojnë zbulimin e së vërtetës.
Policia gjen dhe sekuestron një arsenal armësh, 8 automjete (4 prej tyre të blinduara), maska, paruke dhe sende të tjera të paligjshme që përdoreshin nga pjesëtarët e grupit kriminal.

свернуть