Waziri wa Maji Jumaa Aweso amesema amebaini uzembe na hujuma za makusudi kutokana na watendaji wa Mamlaka ya Maji Safi na Usafi wa Mazingira (DAWASA) kutofanya inavyopaswa pamoja na kuzoea kero na malalamiko ya wananchi.
Alibainisha hayo Julai 3, 2024 alipotembelea Tanki la Chuo cha Ardhi, wilayani Dar es Salaam alipokuwa akieleza mambo aliyoyabaini katika ziara hiyo iliyoanza saa tisa usiku ambapo alitembelea na kukagua miradi kadhaa ya maji katika jijini na katika mkoa wa Pwani kwa lengo la kujiridhisha na uwepo wa maji na umeme unaotumika kuendesha shughuli hizo.
Alisema awali alipoanza ziara yake Juni 29 siku ya Jumapili, alitembelea tanki hilo ambalo halikuwa na maji lakini kwa sasa maji yapo, hivyo amewataka watendaji hao kutimiza wajibu wao kupitia taaluma zao bila visingizio kwa sababu lengo kubwa ni kutua. ndoo juu ya kichwa cha mama.
Aidha, alisema mamlaka hiyo itakuwa chini ya Wizara ya Maji kwa muda ili kuhakikisha wananchi wanapata huduma hiyo muhimu.
Salva Media Tanzania
