Komisioni qëndror I zgjedhjeve ka miratuar fletën e votimit për zgjedhjet e pjesshme të 24 shtator në Bashkinë Kukës. KQZ gjithashtu miratoi edhe rënditjen e kandidatëve për Bashkinë e Kukësit, ku kandidati i Partisë Socialiste Albert Halilaj do të jetë në krye të listës, ndërsa Emri Vata, kandidat i Bashkë Fitojmë do të mbajë numrin dy.
Qytetarët e Kukësit, të cilët do i drejtohet kutive të votimit pas 12 ditësh, do u paraqitet një fletë me emrin e kandidatëvë, ku bashkëngjitur do jetë edhe logoja e partisë dhe e koalicionit zgjedhor.
Ndonëse ish kryeministri Sali Berisha bëri kërkesë në Komisionin qëndror të zgjedhjeve që të përfaqësohej me logon zyrtare të Partisë Demokratike, kërkesa u rrëzua nga KQZ, me argumentin se këtë të drejtë e ka vetëm Lulzim Basha, duke qenë se u shpall fitues i zgjedhjeve për kryetar të opozitës.
KQZ regjistroi koalicionin “Bashkë Fitojmë” mes Partisë së Lirisë dhe Partisë Demokristiane, ndërkohë kandidati Vata ka dalë nga procesi i primareve të Rithemelimit.
Kandidati që Lulzim Basha propozoi pak kohë më parë, u dorëhoq me argumentin se nuk dëshironte të thellonte edhe më shumë përcarjen, ndërkohë që Basha nuk propozoi një tjetër kandidat, duke lënë në këtë mënyrë Vatën përballë kandidatit socialist Albert Halilaj.
Zgjedhjet e pjesshme në Bashkinë Kukës vijojnë pas dorëheqjes së Safet Gjicit më 16 qershor të këtij viti, pas një videoje të bërë virale ku ish krybashkiaku shihej me një 40 vjecare në zyrën e tij, brenda Bashkisë në momente intime.
Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.
Për më shumë vizitoni: [ Ссылка ]
Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#TopNews#Kandidatë#Kukes
