مراحل النوم هي 4 مراحل زي الدايرة مرحلة بعد مرحلة لحد لما الانسان يصحي
المرحلة الاولي :- وهي مرحلة احلام اليقظة ودي اول مرحلة يبدا الانسان فيها بالانتقال من مرحلة اليقظة والوعي التام الي النوم والمرحلة دي بتاخد من 5-10 دقائق العيون مقفولة لكن ممكن الانسان يصحي منها بسهوله ,المخ فيها بيفرز موجات تساعد الانسان عالاسترخاء وبينخفض معدل ضربات القلب والتنفس ونشاط العين.
المرحلة التانية :- يبدأ فيها الدماغ بإبطاء ادائه وتبدأ درجة حرارة الجسم بالانخفاض تدريجيا الي ان تصل الي 36 درجة وتبدا ضربات القلب بالانخفاض وتتوقف حركة العين تماما.
المرحلة الثالثة :- بينخفض اكتر رتم ضربات القلب ونشاط العقل والعضلات. المرحلة دي بنسميها مرحلة بداية النوم العميق او نوم دلتا.
المخ فالمرحلة دي بيفرز موجات دلتا اللي بتساعد علي ارتخاء الاعصاب والعضلات وبتساعد الانسان انه يدخل في النوم العميق والمرحلةدي بتاخد نص ساعة ممكن تزيد او تقل(المرحلة دي بتكون مسؤوله عن احساسك بالنوم الجيد عند الاستيقاظ)
المرحلة الرابعة :- مرحلة النوم العميق في المرحلة دي يبدا الانسان برؤية الاحلام والتفاعل معها .في المرحلة دي نشاط القلب ومعدل التنفس والدماغ بتزداد بشكل منتظم لتصبح قريبة من حالتها في وضع الاستيقاظ.
المرحله الرابعه بتتحرك العين حركات سريعه ونسميها
REM
السيكل بتاعة النوم تأخد تقريبا من 90-120 دقيقة وبتتعاد تاني.
