Мемлекеттің сатып алу саласындағы бармақ басты көз қысты әрекеттер осы отандық бизнестің адымын аштырмай отыр. Алғашқы үш айдың өзінде салада заңға қайшы әрекет еткен 7 адам істі болған.
Бұл туралы бүгін Астанада өткен кәсіпкерлер құқығын қорғау және сыбайлас жемқорлыққа қарсы іс-қимыл жөніндегі кеңестің отырысында мәлім болды. Айта кету керек, өткен жылы мемлекеттік сатып алу саласындағы түрлі рәсімдер кезінде 42 мыңнан астам заңбұзушылық анықталған. Бұл бұрнағы жылдан 4 есеге көп.
Алик Шпекбаев, ҚР Мемлекеттік қызмет істері және СЖҚ іс-қимыл агенттігі төрағасының орынбасары:
-Жүргізілген мониторинг нәтижесіне сүйенсек, негізінен азық-түлік, кеңсе техникасы және жағармай бағасы шарықтатып көрсетіледі екен. Ең алдымен бұған Қазақстан бойынша тауарлар мен қызметтердің орташа бағасы көрсетілген базаның жоқтығы себеп.
