الجنيه المصري كان على وشك الإنهيار!!
في شهر أغسطس اللي فات، سعر صرف الدولا قدام الجنيه بدأ يزيد، وطلعت تكهنات ساعتها بانهيار قيمة الجنيه علشان يوصل الدولار الواحد لأكتر من ٦٠ جنيه، خصوصاً بعد ما الأموال الساخنة بدأت تطلع من مصر، بس المفاجأة كانت ان سعر الصرف استقر تاني، وبدل ما الحكومة تاخد إجرائات تقشفيّة، البنك المركزي سمح للبنوك المصريّة بزيادة حدود السحب بالدولار، وده يخلينا نسأل، ازاي الاقتصاد المصري اتماسك ؟
مع بداية شهر سبتمبر، صناديق الاستثمار الأجنبيّة عززت استثماراتها في أذون الخزانة المصريّة، ده غير الزيادة الكبيرة في تحويلات المصريين في الخارج واللي بتوصل ل ١٠٠٪ تقريباً، على الرغم من ان الاقتصاد المصري بيعاني من أزمات كتير، الا إن المحللين بيتوقعوا تحسن ملموس ابتداء من سنة ٢٠٢٥.

свернуть