Нэһилиэк туруктаах буолуута тугу кытта сибээстээҕий? Сатаан дьаһаннахха, кэлим соҕотуопкалааччыттан тутулуга суох нэһилиэк таһымнаах кэпэрэтиип бэйэтэ сайдар кыахтаах дуо? Баһылык оруола, биирдиилээн киһи сыһыана тэрилтэ дьылҕатыгар хайдах дьайарый?

Сунтаар улууһун Күндэйэ нэһилиэгин Р.А. Иванова аат. "Сырдык Аартык" кэпэрэтиибин үлэтэ-хамнаһа үгүс киһини сөхтөрөр, киэҥ сэҥээриини ылар. Бүгүн "Сырдык Аартык" устуоруйатын сэһэргиибит.

Аҕыйах хонуктааҕыта Дьокуускайга "Тыа сирэ - омук дьылҕата" диэн киэҥ ыҥырыылаах сугулаан буолан ааспыта. Ол сугулааҥҥа Сунтаар Күндэйэтиттэн нэһилиэк дьаһалтатын сүрүн исписэлииһэ Лидия Сергучева уонна Р.А. Иванова аатынан "Сырдык Аартык" СХПОК толорооччу дириэктэрэ Алина Львова кэлэ сылдьан, нэһилиэк олоҕун-дьаһаҕын, кэпэрэтиип үлэтин-хамнаһын уонна нэһилиэк дьылҕатыгар хайдах дьайбытын туһунан кэпсээн, киэҥ сэҥээриини ыллылар, үгүс киһини сөхтөрдүлэр даҕаны.

Онон, ааҕааччыларбыт уонна сугулаан кыттыылаахтарын көрдөһүүлэринэн, кинилэри кытта кэпсэтиини устан таһаардыбыт.

Даҕатан эттэххэ, сэҥээрэр, сэргиир эбэтэр тугу эмэ чопчулуур ыйытыыларгытын биидьийэ анныгар "кэмэнтээрийдэргэ" суруйан хаалларыҥ. Кэлин ол ыйытыылары мунньан баран, хоруйдарын "Кыым" хаһыакка эбии бэчээттиэхпит.

свернуть