Биыл Абай Құнанбайұлының туғанына 175 жыл. Ұлы ақынның мерейтойын кең көлемде атап өту жөнінде Мемлекет Басшысы Қасым-Жомарт Тоқаевтың арнайы Жарлығы жарияланды. Бүгінде халықаралық және мемлекеттік деңгейде ауқымды іс-шаралар өткізу басталып кетті. Бірақ мұның бәрі той тойлау үшін емес, ой-өрісімізді кеңейтіп, рухани тұрғыдан дамуымыз үшін өткізілмек. Осы бастаманы Қожа Ахмет Ясауи атындағы Халықаралық қазақ-түрік университеті де қолдап, өз үлесін қосуда.
