Жамбыл облысындағы Андас батыр шекара бекетінде әскери борышын өтеп жүргенде жоғалып кетіп, кейін Қырғызстан аумағында асылып тұрған жерінен табылған сарбаз Ұлықбек Бердішовке тағайындалған сараптама қорытындысы шықты. Онда 19 жастағы марқұмның денесінен спирт пен есірткі табылғаны жазылыпты. Ата-анасының айтуынша, тіпті сот-медициналық сараптама орталығындағылар марқұм ажалы алдында есірткі шеккен деген қорытынды жасаған. Ал жұмбақ жағдайда мерт болған сарбаздың жақындары мұнымен мүлдем келіспейді. Ұлықбектің анасы жауаптылар ұлымның өлімін өзіне жабу үшін осылай жасап отыр дейді.
ОРЫНКҮЛ МЕРЕКОВА, Марқұм Ұлықбек Бердішовтың анасы:
– Мен баламды сап-сау жібердім армияға. Отанын қорғайды деп, отаны оны қорғады ма? 7 айдан кейін өлтіріп, қолыма табытпен жіберді. Наркотик пайдаланды деп жала жауып отыр. Ол наркотик қайдан келген заставаға? Сол үшін де жауап берсін.
Яғни Тараз қаласында жасалған сараптама қорытындысында марқұмның ағзасында этил спирті және есірткі табылғаны көрсетілген. Айта кетейік, Ұлықбек Бердішов Отан алдындағы борышын өтеп жүріп 40 күндей жоғалып кеткен еді.
Кейін ол Қырғызстан аумағында жартасқа асылып тұрған жерінен табылды. Сарбаздың өліміне қатысты ішкі істер министрлігіндегілер тексеріс әлі жалғасып жатқанын және тергеу құпиялығына байланысты басқа ақпарат бермейтінін жеткізді. Ал марқұмның туыстары енді Қырғызстанда тағайындалған сот-медициналық сараптама нәтижесін күтіп отыр.
.
.
.
.
Бізді әлеуметтік желіде оқыңыздар:
Youtube -[ Ссылка ]
Facebook - [ Ссылка ]
Instagram - [ Ссылка ]
Vkontakte - [ Ссылка ]
TikTok - www.tiktok.com/@informburo31
WhatsApp Информбюро +7 777 331 31 31
#Информбюро #Ақиқатын_Айтайық #ИнформбюроЖаңалықтары #БүгінгіЖаңалықтар #БастыЖаңалықтар
