تعالوا نبتدي حلقتنا بمقدمة مهمة جدا في حلقة يوم السبت 28 يناير 2017 من #بين_السطور مع الإعلامية / #أماني_الخياط
#أماني_الخياط : عناوين مهمة جدا سطرتها اليومين اللي عيشناهم في عروس الصعيد بأسوان
#أماني_الخياط : لأول مرة عينينا كشعب بتشوف وبتشاور على تقرير شهري للحكومة بالصوت والصورة والأهم كل وزير وهو بيتكلم بيحط نفسه في الإختبار في قدرته على التواصل ونقل المعلومة ولما الحكومة تقدم تقريرها علنا بالصوت والصورة وتحط الوزير في إختبار وتقييم الأداء المسألة هنا بتقول ان احنا عملنا نقلة غير عادية في حياتنا في حين كل المفروض عليهم ينقلوا لكوا الجزء ده ياخدوكوا بره المشهد علشان يلاقوا مادة يشتغلوا عليها ويدوا نفسهم الحق في خناقة مع وزير أو مع حكومة مع إن الأصل في الموضوع ان احنا لأول مرة في تاريخنا عندنا تقرير شهري بيعلن بالصوت والصورة وبيديني الحق في تقييم الوزير أثناء عرضه وكل ده علشان نصل إلى درجة من الثقة في إدارة الجهاز التنفيذي وده مش معناه ان الجهاز التنفيذي لأن الأصل في القيام وتنفيذ المهام هو قدرة الدولة
#أماني_الخياط : الرئيس بيعلمنا بعد ما إستعادت دولتنا كل اللي إستعادته في محيطها الإقليمي في مشهدها الدولي وعلى حدودها بيلعب معانا وعلى المكشوف الرئيس مع جهازه التنفيذي على مسرح الشعب بيلعب بالمكشوف يعني أي جزئية كان المواطن المصري لا يتخيل انه من حقه يعرضها قدام رأس الدولة بقى من حقه يقولها قدام رأس الدولة وده تمثل بس في الكلام اللي قاله علاء مصطفى وقصة مصرف كيما ؟ لا طبعا ده تمثل في الجلسة الأولى من السيدة الصعيدية من على المنصة تجاوزت الوقت المسموح وهي بتقول بالصوت العالي ان الصورة النمطية اللى الإعلام المرئي والمقروء والإلكتروني بيقولها عن الصعايدة وبيختصرهم في جبة ونكتة غير مقبول لأن أقاليم مصر كلها هي مصر وهيبة مصر من كل أقاليمها وبكل لهجاتها وبقدرة ناسها يكونوا من مطروح وعندهم لكنة ويكونوا من الصعيد وليهم لكنة يكونوا من الدلتا يكونوا من قلب العاصمة مجرد أرض جمعت المصريين من كل حدودها الجغرافية
#أماني_الخياط : احنا كلنا لازم نتعلم لأن الرئيس عبد الفتاح السيسي قال مراراً وتكراراً التجربة المصرية لها ما لها وعليها ما عليها وبناء عليه لازم نتعلم كلنا مع بعض ونرتقي بأداءنا وبأداء دولتنا مع بعض لأن دولتنا في تجربتنا دي لا تنقل من أحد تجربتنا المرة دي بتاعتنا لوحدنا
#أماني_الخياط : فاكرين لما قلت لحضراتكم من شهر أو أكتر هل الشعب جزء من الحل ولا جزء من الأزمة أعتقد ان احنا سبقنا بشوية لما قررنا ان الكل يعرف دوره لأن المرحلة المواطن فيها بيعتقد انه بيحلم ويتمنى أنت شريك في الأزمة ولا في الحل الدولة كيان إعتباري هي المواطن هي الحدود هي العلم هي السلام الجمهوري
#أماني_الخياط : الفرق بين الواقع والإنطباع يعني ما نريد أن نكون عليه وفقاً لللي بيتلعب بيه على عقولنا ووجداننا وده معناه ببساطة ان لما نسيب نفسنا للأسئلة الخطأ ومن كتر ضغط الأسئلة الخطأ والصور الخطأ والسوشيال ميديا الخطأ والإعلام اللي بيحب ياخدنا للمساحات المغلوطة بنتخيل ان الإنطباع أصبح واقع علماً إنه بشكل مباشر معناه إن قدرة الدولة هي المحك اذا كانت الدولة تستطيع فلتفعل واذا لم تكن تستطيع فينبغي أن نصبر جميعاً على بعض
تعالوا نشوف فيديو علاء مصطفى في المؤتمر لما تحدث عن موضوع مصرف كيما بمنتهى الحماسة في مؤتمر الشباب بأسوان ونشوف تعليق المحافظ ووزير الإسكان مصطفى مدبولى والرئيس عبد الفتاح السيسي وبعدما نشوف الفيديو نركز في التحليل مع أماني
نشوف المعلومة الخطأ حول مصرف كيما نشوف المعلومة جابها الشاب / علاء مصطفى منين ؟تعالوا نشوف على صفحة آراء حرة على فيس بوك أحد اللجان الإلكترونية للجماعة الإرهابية بوست مكتوب يوم 26 يناير كلمة بيقول شاهد ماذا فعل العسكر بمصب مصرف كيما الذي يلقي الصرف الآدمي في النيل حتى لا يشم السيسي رائحته ونشوف الصورة قبل زيارة الرئيس وصورة بعد زيارة الرئيس
#أماني_الخياط : تعالوا نروح نشوف المشهد العكسي لحالة حماس الشباب ونشوف لقاء الرئيس السيسي مع السيدة عند مصرف كيما وهي بتشرب المياه وهذه السيدة اللي كانت بتشتكي وزارة الصحة ووكيل وزارة الصحة وبالتالي احنا قدام مشهد حاكم الشاب المتحمس واعتمد في أدائه على إستقاء المعلومات من السوشيال والمرأة التي لديها الثقة في الرئيس المشهد ده بيقول لو احنا عندنا ثقة هنعدي وثقة في القائم على عملية التغيير هنعدي
