Ўзбекистон билан чегаранинг очилиши олма нарҳини кўтарди. Баткенда олма терими бошлани, экспортга чиқа бошлади. Боғбонлар бунгача тожикистонга экспорт қилса, бу йил ўзбекистонга ҳам ўтказмоқда. Жорий йилда ҳосил оз бўлгани билан йилдагига нисбатан 5 сомга қиммат. Ҳозирда Боткен районидаги 500 гектар олма майдонининг 90 %и йиғилди.
Боткеннинг Қора Булоқ қишлоғининг яшовчиси Алихан Эгембердиев 25 йилдан буён олма етиштириб, боғбончилик билан шуғулланиб келади. 1 гектар олма боғидан 15 тонна ҳосил олади. Олманинг уч турини ўстирган боғбон бир мавсумда 500 минг сомгача маблағ топади. Айни вақтда у ҳосилни 50 фоизини йиғиб, сотишга ҳаракат қилишмоқда.
Боғбон Алихан Эгембердиев бу йили ҳосил оз бўлгани билан аммо нарҳлар ҳар йилгига нисбатан бир оз қиммат эканлигини таъкидлайди.
“Ўзбекистон билан муносабатлар яхшилана бошлагани учун ҳаридорлар сони ортган. Бунгача Тожикистонга Қирғизистон олмалари кетган бўлса бу йилдан бошлаб, Ўзбекистонга ҳам экспорт қилина бошлади. Ўтган йили олманинг нарҳи ўртача 20-22 сом бўлган бўлса, бу йил 5-6 сомга қиммат”,- дейди у.
Олманинг крипсон нави энг харидоргир бўлиб, 27 сомгача сотилмоқда. Мазкур олманинг бир тупидан боғбон 150 килограммгача ҳосил олади.
Боткен район аграр хўжалик бошқармасининг етакчи мутаҳассиси Бакыт Токтосуновнинг сўзларига кўра, Боткен туманидаги 500 гектар ер майдони олма боғларига айлантирилган. Йилига 3,5 минг тоннагача ҳосил беради. Унинг 25-30% ҳусусий тадбиркорлар томонидан Россия, Тожикстан, Ўзбекистонга юборилади. Районларда олманинг 90%и йиғилиб, тадбиркорлар томонидан экспортга чиқарилади.
Кейинги йили томчилатиб суғориш усули билан кооперативларини ташкил этиб, олма экспорт қилишни йўлга қўйиш режалаштирмоқда. Бунинг учун жой жойларда деҳқонлар орасида тушунтириш ишлари олиб бориш зарур эканини маҳаллий ҳукумат маълум қилди. Қўшимча ўрнида, Баткен районида олманинг семеренка, крипсон, олтин грин ва привосход турлари етиштирилади.
Ещё видео!