Ministri i Punëve të Jashtme të Greqisë, Nikos Dendias, nuk ka pranuar që gjatë vizitës në Kosovë të mbajë një konferencë dhe të fotografohet para simboleve së Republikës së Kosovës, duke sinjaluzuar se njohja e pavarësisë nga Athina zyrtare është ende larg.
Dendias dhe ministrja e jashtme e Kosovës Donika Gervalla e mbajtën konferencën në një salltë tjetër dhe nuk u ndaluan as për fotografi në hyrje të objektit të ministrisë, sepse në këtë hyrje është mbishkrimi Republika e Kosovës.
Dendias ishte për vizitë zyrtare në Kosovë, në qershor të këtij viti dhe për herë dytë në shtatë muaj, ai shkoi sërish në kryeqytetin e Prishtinës duke rritur shpresat për njohjen e pavarësisë.
Greqia është një nga pesë shtetet e Bashkimit Evropian që ende nuk e njeh pavarësinë e Kosovës.
Por qasja e saj ndaj Kosovës ka qenë konstruktive, sidomos përgjatë viteve të fundit. Kontaktet e Greqisë me Kosovën kanë shënuar ngritje, sidomos nga viti 2019, kur drejtimin e qeverisë e mori kryeministri Kyriakos Mitsotakis.
Kontaktet e Greqisë me Kosovën filluan të shtohen nëpërmjet ministrit të Punëve të Jashtme të Greqisë, Nikos Dendias, i cili ka premtuar vazhdimisht se “Greqia është e përkushtuar që ta ndihmojë Kosovën në rrugëtimin euro-atlantik”.
Dendias ka mbështetur Kosovën edhe për liberalizimin e vizave. Ai ka deklaruar vazhdimisht se vizita e tij, shërbejnë për të përmirësuar marrëdhëniet me Kosovën, sidomos ato ekonomike dhe tregtare.
Para dy vites Kosova dhe Greqia kanë rënë dakord që Zyra e Kosovës në Athinë, nga një zyrë me status të thjeshtë, të ngrihet në zyrë politike, ndërkohë që një zyrë e tillë greke ka vite që funksionon në Prishtinë.
Por qëndrimi i së martës, pas tensioneve me Serbinë dhe vizitës se Dendias në Beograd, tregoi se pavarësisht ngrohjes së raporteve, Greqia nuk është ende gati të njohë Kosovën.


Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.

Për më shumë vizitoni: [ Ссылка ]

Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#TopNews#Dendias#Kosova

свернуть