“Dashuri dhe Turbulenca” është filmi me metrazh të gjatë që ka bashkuar sërish Rudina Dembacajn dhe Gent Zenelajn. Kjo komedi e frymëzuar nga shfaqja e tyre e suksesshme “Boeing Boeing” e sjell Rudinën si bashkëproducente, ndërsa Gentin si skenarist. Të dy shprehen në “Rudina” në Tv Klan se energjia e kastit ka qenë e jashtëzakonshme, ashtu si bashkëpunimi me regjisorin Dionis Papadhimitri. Gjithsesi, në rastet kur bëhet fjalë për projekte të mëdha, nuk mungojnë as përplasjet në të mirë të tij. Aktori Gentjan Zenelaj nuk ngurron ta tregojë një prej prapaskenave me Dionisin ose Nisin, siç e thërret ai regjisorin e njohur.

Gentian Zenelaj: Fol për të vetmin sherr që kemi pasur. Mendja ime ecte kaq shpejt dhe bashkë me Sarën, asistenten, po shkruanim dhe ishte një çmenduri krijimtaria, kishim ndezur fabrikën, tym dynjaja. Nisi që vinte, e sheh në prizmin e një regjisori që këtë duhet ta realizojë, të gjithë idenë kreative që bëja unë, skicat, duhet ta hidhte në kamera. Nisi tha “Stop! Çfarë dreqin po bën? Unë nuk mundem, është e pamundur” dhe kemi pirë një kafe, jemi sherrosur pa fund, është e vetmja herë që kemi bërë sherr. I thashë “Nis mos u shqetëso e kam të gjithë idenë të vizatuar në kokë”. “E ke ti në kokë por nuk e kam unë”, tha.

Dionis Papadhimitri: Genti dhe Rudina, duke qenë dhe aktorë shumë të mirë, improvizues, duke u mësuar në teatër e skenë, ne e kemi më të vështirë ta përtypim, ta përshtasim materialin menjëherë siç krijojmë ne në sekondë. Ne e marrim, e procesojmë, e mendojmë si mund të realizohet në film, “mos është e tepruar kjo?” se dhe frika që duke u përballur me një komedi kaq të fortë, mos po dështojmë?

Rudina Dembacaj: Dionisi akoma nuk është kënaqur. Thotë “është shumë i mirë, filmi është super por kam frikë mos është shumë europian?” “Dionis, ça po thu o burrë, shyqyr që është europian”, shton aktorja.

#Rudina, një program nga autorja dhe moderatorja #RudinaMagjistari, një prej emisioneve më të ndjekur dhe të dashur për publikun duke ofruar tema të larmishme për të gjithë familjen.
SUBSCRIBE to “RTV KLAN” on YouTube for more videos! #GentianZenelaj #RudinaDembacaj #DionisPapadhimitri

Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]

свернуть