Қазақстан үкіметінің ай сайын 2 миллион адамға коронавирусқа қарсы вакцина саламыз деген жоспары іске аспай қалуы мүмкін. Өйткені елімізде қазірдің өзінде 350 мыңға жуық адам ғана егілген. Олардың тек 94 мыңы бірінші компонентті алған. Ал Алматы қаласы Денсаулық сақтау басқармасы басшысының айтуынша, Қарағандыда шығарылып жатқан және Ресейден келген препараттар қазақстандықтарды толық қамтамасыз ете алмайды.
Ішкі істер органдарына жұмысқа тұру үшін арнайы ковидке қарсы екпе салдырмақ болған Арнат 4 күннен бері вакцина таба алмай жүр екен. Талдықорғандағы жергілікті емханалардың бәріне барып препарат таппадым деген ол бізге шағым айтып хабарласты.
АРНАТ ДОСМҰРАТОВ, Талдықорған қаласының тұрғыны:
– Бірінші салғызатын адамдарға жоқ. Көп адамдар сөйтіп очередьта тұрып-тұрып сөйтіп қайтыпты бағана таңертең. Өздері білмейді түстен дейді, ертең дейді.
Ал Алматы облыстық Денсаулық сақтау басқармасы бұл проблемадан хабардар екен. Айтуларынша, вакцина алатындар саны көбейгендіктен препарат жетпей қалып жатқан көрінеді. Ал вакцинаның жаңа легі тек апта сайын жеткізіледі.
РАЯ АҚАШЕВА, Алматы облысы Денсаулық сақтау басқармасының дәрігер эпидемиологы:
– Халық екпеге көп келіп жатыр, әкелген вакцина бітіп қалды. Бүгін уже түседі. Ертеңнен бастап егу жұмыстары жалғаса береді.
Мамандар өзге елдерден вакцина келмей межеге жете алмаймыз деп отыр.
НАРИМАН ТАБЫНБАЕВ, Алматы қаласының Қоғамдық денсаулық сақтау басқармасының басшысы:
– Қазақстанда өндіріліп жатқан және Ресейден келетін вакциналардың саны жетіспеушілік оны біз бәріміз білеміз. Мен басқа елдерде өндірілген вакциналар бізге Алматыға келеді деген информация алған жоқпыз.
Ал Түркістан облысындағы Ордабасы ауданы тұрғындарды вакцинациялауды бүгін бастапты. Екпе алуға ниет білдіргендердің саны артып жатқандықтан екі күнге жоспарланған 600 доза бұл жақта да жетпей қалуы мүмкін. Өйткені емхана шалғай ауылдарға арналған үш жылжымалы бригаданы да іске қосып қойыпты.
БАҚЫТЖАН МЫРЗАГЕЛДИЕВ, Ордабасы аудандық ауруханасының бас дәрігері:
– Жоспарлаған вакцинаның біз азайып жатқанын айтамыз. Үшінші күнге уже тиісті жоспарланған адамды болғаннан кейін басқармаға бізге вакцина қажеттілігі туындады деп алдын ала заявка береміз.
Соңғы күндері Денсаулық сақтау министрлігі ковидке қарсы вакцина аясында түсіндірме жұмыстарын күшейтіп жатыр. Бұрын-соңды екпеге сенбегендердің сенімі қайта оянғанда вакцина табылмай сабылтты. Денсаулық сақтау министрлігінің өкілдері, "Синовак", "Модерна" секілді вакицналарды сатып алу бойынша келіссөздер жүргізіп жатыр екен. Әзірге олардың қашан Қазақстанға жететіні белгісіз.
.
.
.
.
Бізді әлеуметтік желіде оқыңыздар:
Youtube -[ Ссылка ]
Facebook - [ Ссылка ]
Instagram - [ Ссылка ]
Vkontakte - [ Ссылка ]
TikTok - www.tiktok.com/@informburo31
WhatsApp Информбюро +7 777 331 31 31

#информбюро #басты_жаңалықтар

свернуть