ཕ་ས་ཕ་ཡུལ།
འཛམ་གླིང་ཡང་རྩེ་གངས་དཀར་རི། །
དྲིན་གྱིས་སྐྱོང་བའི་ཕ་མ་སྤུན། །
བློ་སེམས་མཐུན་པའི་ཆུང་དུས་གྲོགས། །
ཕ་ས་ཕ་ཡུལ་ཕྱོགས་ལ་ཡོད། །
༡༽
ཟས་ཀྱི་དྭངས་མ་སྦྲང་དཀར་རྩམ། །
མལ་གདན་སྐྱིད་པོ་ཨ་མའི་པང་། །
གཡང་ཆགས་ནོར་ལུག་འགྲོས་མ་རྟ། །
ཕ་ས་ཕ་ཡུལ་ཕྱོགས་ལ་ཡོད། །
༢༽
མཐོན་པོའི་རི་དང་མཐུག་པོའི་ནགས།།
མཛེས་པའི་སྤང་དང་འབབ་པའི་ཀླུང་།།
རང་བྱུང་འཁོར་ཡུག་ཉམས་དགའ་བ།།
ཕ་ས་ཕ་ཡུལ་ཕྱོགས་ལ་ཡོད། །
༣༽
ཕ་རྒྱུད་འཕགས་པ་སྤྱན་རས་གཟིགས། །
ཐུགས་ལ་བྱམས་དང་སྙིང་རྗེས་ཕྱུག།
མ་རྒྱུད་རྫེ་བཙུན་སྒྲོལ་མའི་རིགས། །
བརྩེ་བས་བུ་ཚ་སྐྱོང་ལ་མཁས། །
༤༽
ལྷ་སྐལ་རིགས་གསུམ་མགོན་པོ་ཡིན།།
བླ་མ་པདྨ་འབྱུང་གནས་ཡིན། །
བྱིན་བརླབ་ཡིད་ལ་རང་འཁོར་ཡིན། །
སངས་རྒྱས་བསྟན་པ་དར་སའི་ཡུལ། །
༥༽
གཞོན་པ་ཤེས་རིག་འཚོལ་ལ་བྲེལ།།
རྒན་རབས་ལྷ་ཆོས་བྱ་བས་བྲེལ།།
སྲོལ་བཟང་ནུབ་པ་མེད་པ་ཡི།།
ཕ་ཡུལ་ནུབ་རི་ལུང་པ་རེད།།
༦༽
