بە بیانوی كەمی سەردانی نەخۆش, مەڵبەندی تەندروستی چەرموو لە قەزای چەمچەماڵ, لەلایەن بەرپرسانی قەزاكەوە دادەخرێت.
پەیامنێری KNN ڕایگەیاند: ماوەی چەند ڕۆژێكە لەلایەن بەرپرسانی تەندروستی قەزاكەوە, مەڵبەندی تەندروستی چەرموو لە چەمچەماڵ داخراوە و لە ئێستاشدا بۆ زیاتر لە 50 هەزار كەسی دانیشتوی ناوەندی قەزاكە تەنها نەخۆشخانەیەك و بنكەیەكی تەندروستی هەیە و ئەوەش نیگەرانی لای دانیشتوانی قەزاكە دروستكردوە.
KNN پەیوەندی كرد بە هەر یەك لە بەڕێوەبەر و جێگری بەڕێوەبەری تەندروستی چەمچەماڵەوە بەڵام ئامادە نەبون هیچ ڕونكردنەوەیەك لەو بارەیەوە بدەن.
بەپێی زانیاریەكانی KNN, بەرپرسانی تەندروستی چەمچەماڵ داخستنی ئەو مەڵبەندە تەندروستیەیان بۆ كەمی سەردانی نەخۆش بۆ مەڵبەندەكە گەڕاندوەتەوە.
چالاكانی كۆمەڵی مەدەنی قەزاكەش, دەڵێن: داخستنی مەڵبەندەكە باری سەرشانی خەڵكی هەژار و كەمدەرامەتی قەزاكە قورستر دەكات.→ website: [ Ссылка ]
→ Facebook: [ Ссылка ]
→ youtube: [ Ссылка ]
→ [ Ссылка ]
→ Instagram: [ Ссылка ]?
hl=enhttps://twitter.com/knncchannel
