Ел заңнамасына мемлекеттік тілді білмейтіндерді азаматтыққа қабылдаудан бас тартуды көздейтін түзету әзірленді. Бұл туралы премьер-министр Әлихан Смайыловтың Мәжіліс депутаттарының сауалына берген жауабында айтылды.
Қазір «Қазақстан Республикасының азаматтығы туралы» Заңға мемлекеттік тілді, тарих пен ұлттық заңнаманың негіздерін білмеуді азаматтыққа қабылдаудан және қалпына келтіруден бас тарту үшін қосымша негіз ретінде көздейтін, сондай-ақ қос азаматтығы фактілерінің алдын алуға бағытталған түзетулер әзірленді, - делінген Үкімет басшысының мәлімдемесінде.
Осы ретте Halyq Uni тілшісі азаматтардың пікірін біліп, сауалнама жүргізді.
#қазақтілі
