Тәуелсіздік мерекесі қарсаңында Түркістанда Шәмші Қалдаяқовқа арналған ескерткіш салтанатты түрде ашылды. «Ақжайық» музыка мектебінің алдында бой көтерген мүсінде «қазақ вальсі королінің» қайықта отырған келбеті суреттеліпті. Айтулы шараға Алматыдан арнайы вагондармен қонақтар да келген. Олардың қатарында өнер қайраткерлері, жазушылар мен журналистер бар.
Шәмші Қалдаяқовтың туғанына биыл тоқсан жыл. Түркістандағы шараға алыс-жақыннан келгендер аз емес. Облыс әкімі Өмірзақ Шөкеев бастаған қонақтар әуелі ескерткіш алдына гүл шоқтарын қойып, естелікке суретке түсті. Қонақтар жағы қайыққа мінген ән падишасын мүсіндеген туындыға қызыға қарасты. Қалың елін әсем әнімен тербеткен Шәмшіні бірі ұлы композиторға теңесе, бірі халықтың рухын тербеткен ұстазға балап жатты.
КӨПЕН ӘМІРБЕК, сатирик-жазушы:
– Шәмші Қалдаяқовтың ескерткіші рухани ортаға айналған Түркістанда қойылуы, оның музыкалық оқу орнының алдына қойылуы бұл кейінгі жастарға танымдық, тағылымдық, тәлімдік, тәрбиелік мәні бар үлкен ескерткіш.
Алыстан келген қонақтар дәл осы күні Арысқа, кейін Отырар ауданындағы Шәмші Қалдаяқов ауылына да барған. Сондағы ән падишасының музейін аралаған. Ал музыка мектебінің залына жиналған жұрт алдында өңір басшысы Өмірзақ Естайұлы көрнекті композитор жайлы баяндама жасады. Қазақ руханиятының дамуына өлшеусіз үлес қосқан Шәмшінің бейнесі жас өнерпаздарды ізгілікке бастайтын бағдар болады деді.
ӨМІРЗАҚ ШӨКЕЕВ, Түркістан облысының әкімі:
– Алатау төрінен бастау алған рухани керуен тоғыз жолдың торабы Арыс қаласында, Шәмшінің туған өлкесі Отырарда аялдап, қасиетті шаһарға қадам басып отыр. Бұл сіздердің тәуелсіздікке, Шәмшінің талантына деген құрметтеріңіз деп білемін. Қазақ даласында Шәмшідей таланттар туыла берсін. Тәуелсіздігіміз ғұмырлы, елдігіміз мәңгілік бола берсін.
Халық ұлы дала ғұламасы Әбу Насыр әл-Фараби өмірінен деректі фильмді тамашалады. Шараның соңы концертке ұласты.
Бізді әлеуметтік желіде оқыңыздар:
Youtube -[ Ссылка ]
Facebook - [ Ссылка ]
Instagram - [ Ссылка ]
Vkontakte - [ Ссылка ]
TikTok - www.tiktok.com/@informburo31
WhatsApp Информбюро +7 777 331 31 31
#Информбюро #Басты_жаңалықтар
