#oranews #policiabashkiake #debate #komision #ervinsalianji #bashkia


Diskutimi i kompetencave të policisë bashkiake, pikërisht pesë muaj para zgjedhjeve vendore ka bërë që në Komisionin e Sigurisë, mazhoranca dhe opozita sot të përplasen për ndikimin që do të ketë në votimet e 14 majit 2023.

Për socialistët drafti është një rregullator i kompetencave dhe pa ndryshime thelbësore.

Megjithatë edhe për shkak të akuzave të demokratëve nuk u la mënjanë parashikimi për zgjedhjet vendore.
Xhemal Qefalia: “Po shoh një shenjë pesimizmi, ende pa filluar zgjedhjet. Ajo sindroma e humbjes ju ka tronditur pak, dhe e keni ende të vështirë. Po unë mendoj që pushteti vendor do ketë. Mos hyni si humbësa në zgjedhje, merrni pak veten, mblidhuni pak. Jepini pak kurajo vetes”

Për deputetin Ervin Salianjin nxitimi dhe kërkesa për të shtuar punonjës, tregon se do të përdoren në fushatë por edhe për përplasje mes mazhorancës.
Ervin Salianji: “Nuk është momenti të diskutohet, as se kush i fiton, as se kush i humb, as të fluturoni me ndonjë perime, siç ndodh me kryeministrin. Kjo bëhet për ti dhënë më shumë mundësi bashkive që të rrisin numrin e policëve baashkiakë. Këta do të jenë njerëzit që do venë derë më derë për të mbledhur vota, dhe do të jenë patronazhistë të një forme tjetër, patronazhistë me kapele policie”.

Prezenca e zëvendësministres së brendshme Romina Kuko, ka bërë që deputetët e PD të kërkonin dhe dënimin e rastit kur u godit kryetari i PD Sali Berisha, çka solli dhe një tjetër përplasje.

Ferdinand Xhaferraj: “Zotëria që ka kryer aktin ka thënë, duhet ta bëja. Me heshtjen tuaj ju nuk thoni asgjë më shumë, veçse duhet ta bënte”.

Në draftin e ri, Policia Bashkiake ka të drejtë ndër të tjera, të kërkojë dhe dokumentet e identitetit për shkelësit, si dhe të kërkojë edhe ndihmën e forcave të rendit.

Shenim: *Ky është artikull ekskluziv i Ora News, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Artikulli mund të ripublikohet nga mediat e tjera vetëm duke cituar “Ora News” bashkëngjitur me linkun e artikullit origjinal.

Për më shumë lexoni në: [ Ссылка ]

Follow Televizionin Ora News

Website: www.oranews.tv

Youtube [ Ссылка ]

Facebook: [ Ссылка ]

Instagram [ Ссылка ]

Twitter [ Ссылка ]

свернуть