Tema : Upaya pelestarian kesenian wayang golek melalui media sosial.

SINOPSIS SUTIJAH GUGUR
Wayang golék ieu dirékam taun 1982, waktu Gunung Galunggung bitu.
Sinigeug, di karaton Karajaan Caturpertala (di lapisan handap bumi kaopat), Retnayu Nagagini, putrina Sanghyang Antaboga atawa bojona Bima nu kadua, kasumpingan putrana Anterja. Maksud kadatanga Anterja nepangan ibuna téh ngemban tugas mikeun kalawarta (surat) ti uwana raja Amarta, Prabu Darmakusuma/Yudistira. Eusi suratna nyaéta ngondang Nagagini ngaluuhan acara panghargaan Béntang Séti ka adina, Gatotaca salaku Panglima Katentaraan nu tos 8 taun mancén tugas Ngabahureksa, ogé salaku kapala daérah di Mlajan Tengah. Salian ti Gatotkaca, nu bakal narima panghargaan Béntang Dharma nyaéta tokoh masarakat Lurah Semar Kudapawana.

Waktu Anterja balik deui ka Amarta, teu kahaja jalanna nyasab ka wewengkon Trajutisna nu harita dikawasa ku Sutijah (Prabu Nalakasura Boma) putrana Batara Kresna. Di wewengkon Trajutisna éta, Anterja manggihan layon jalma nu tos ruksak. Awakna dimutilasi bacacaran. Sabada diteges-teges, sihoréng layon éta téh Purwaganda, putrana Batara Kresna ogé tapi béda indung. Sabada ditalungtik, sihoréng nu maéhan Purwaganda téh dulurna sorangan nyaéta Sutijah. Antukna Anterja aporan ka Batara Kresna nu harita tos ngarumpul di Amarta.

Carios salajengna mangga bandungan dugi ka réngsé. Hapunten bilih audiona rada kiang saé.

свернуть