#oranews
Unioni i Gazetarëve, Shoqata e Gazetarëve Profesionistë dhe Lidhja e Gazetarëve dënojnë në bllok dhunën e ushtruar ndaj reporterit Ronaldo Sharka dhe ekipit të xhirimit të Ora News nga mbështetës të kryebashkiakut Erion Veliaj. Organizatat e gazetarëve i kërkojnë Veliajt të distancohet nga ky akt e të mos prekë punonjësit e medias. Ndërkohe policia e Tiranës ka tjetërsuar kallëzimin penal, i cili flet për dhunë fizike dhe në njoftim zyrtar e kufizon incidentin vetëm me “shtyrje dhe fyerje”.
Unioni i Gazetarëve Shqiptarë denoncon dhunën e ushtruar mbi reporterin, operatorin dhe shoferin e Ora News.
Incidenti ndodhi të dielën në Kavajë kur gazetari Ronaldo Sharka u përball me sulmin fizik nga militantë të Kryebashkiakut, ndërsa po tentonte të merrte një prononcim nga Veliaj pas aktivitetit.
Në një deklarate të posaçme Unioni i Gazetarëve i kërkon kryetarit të Bashkisë së Tiranës të reagojë publikisht dhe të distancohet nga ky akt.
Në deklaratë theksohet se edhe me herët ka pasur incidente të tilla ndaj reporterëve të tjerë të Ora News me autorë shoqërues apo punonjës të kryetarit të Bashkisë së Tiranës, mes të cilit dhe kësaj medieje, vijon një përballje e ashpër kritike.
“Dënojmë ashpër kësi incidentesh dhe Këmbëngulja e gazetarëve për të marrë përgjigjet e duhura në emër të transparencës dhe llogaridhënies publike është mision i përkrahshëm kurdoherë dhe një ndër cilësitë spikatëse për raportimin e pavarur dhe të duhur. Identifikimi i njerëzve të medias përmes shenjave dhe dokumentave profesionale në komunikimin me autoritetet, meriton përgjigje ose korrektesën e komunikimit qoftë edhe me shprehjen “No coment”, kur nuk ka diçka për të thënë. Por soditja apo lënia e gazetarëve në përballje me bodyguard apo mbështetës militantë, në një mjedis me fansa politik agresivë, është një përgjegjësi e autoritetit të zgjedhur apo politik, të cilit i është drejtuar gazetari”.
Njëherësh Unoni i kërkon edhe autoriteteve të Policisë së Shtetit të zbardhin incidentin dhe të vënë para përgjegjësisë ligjore agresorët.
Ndërkohe po këtë të hënë policia e Tiranës njoftoi se e ka regjistruar kallëzimin penal të gazetarit të Ora News Ronaldo Sharka, i cili bashkë me grupin e xhirimit u sulmuan fizikisht në Kavajë nga militantë të kryebashkiakut.
“Më datë 18.04.2021, shtetasi R. Sh., 23 vjeç, kallzon se në Kavajë, persona të paidentifikuar e kanë shtyrë dhe ofenduar atë.”
Është ky njoftimi zyrtar i autoriteteve te rendit te cilat e kornizojne incidentin vetem me “shtyrje dhe ofendime” në një kohë që gazetari kishte shenja të qarta në trup dhe fytyrë dhe këto janë të dokumentuara në ekran nga vetë ai gjatë sqarimit për ngjarjen.
Gjithashtu edhe në kallëzimin penal të bërë një ditë më parë në komisariatin e Kavajës, saktësohet se është përdorur dhunë, kërcënim dhe jo vetëm ofendim dhe shtyrje, siç njofton policia e Tiranës.
Në një reagim pas njoftimit të policisë, gazetari Sharka sakteson se në deklarimin e bërë në polici ka thënë se është dhunuar fizikisht dhe është kërcënuar.
Me hashtagun “mos prek gazetarët” doli menjëherë pas ngjarjes edhe Shoqata e Gazetarëve Profesionistë të Shqipërisë dhe Lidhja e Gazetarëve të Shqipërisë.
Në deklaratën e publikuar në faqen zyrtare në facebook thuhet se veprimi normal i gazetarit ka marrë si përgjigje dhunën nga persona shoqërues të Veliajt.
Shoqata e Gazetarëve Profesionistë dhe Lidhja e Gazetarëve dënuan dhunën ndaj ekipit të Ora News nga shoqërues të kryebashkiakut Erion Veliaj, një metodë e shëmtuar dhe e përsëritur ndaj gazetarëve të Ora News, sa herë që z.Veliaj i drejtohet një mikrofon.
“Media ka të drejten të drejtojë pyetje në emër të publikut ndërsa një zyrtar publik si kryetari i Bashkisë ka detyrimin të përgjigjet”.
Edhe ky grupim gazetarësh i kërkon kryetarit të bashkisë të distancohet nga aktet e dhunës të shoqëruesve të tij ndaj gazetarëve dhe të respektojë punën e medias, si dimension i domosdoshëm në një shtet demokratik.
Ndërkohë në lidhje me sulmin ndaj gazetarit, operatorit dhe shoferit të Ora News pritet që materialet procedurale t’i kalojnë Prokurorisë pranë Gjykatës së Shkallës së Parë Tiranë, për veprime hetimore.
Deri tani nuk ka asnjë reagim nga Kryebashkiaku për aktin e dhunës ndaj grupit të xhirimit të Ora News ndërsa pritet vetëm përgjigjja nga organet ligjzbatuese.
Për më shumë lexoni në: [ Ссылка ]
Follow TV Ora dhe RTV Ora News
Subscribe To "Ora News" on YouTube Channel for NEWS HERE: [ Ссылка ]
Subscribe To "Ora News" on YouTube Channel for TV Shows HERE [ Ссылка ]
For more content from click HERE www.oranews.tv
Like Ora News on Facebook HERE [ Ссылка ]
Follow Ora News on Instagram Here [ Ссылка ]
Follow Ora News on Twitter [ Ссылка ]
