Батыс Қазақстан облысында қуаңшылық салдарынан 117 мың гектар егіс алқабы есептен шығарылды. Өйткені Ақ Жайық өңірінде мамыр айынан басталған аптап ыстық тамыз айына дейін жалғасты.
Сол себепті шаруаларының еккен егіні дұрыс шықпай, күйіп кеткен. Қазір ауыл шаруашылығы басқармасының мамандары мен сақтандыру компанияларының өкілдерінен құралған комиссия аудандарды аралап жүр.
Сондықтан аймақтағы есептен шығарылатын егіс алқаптарының көлемі әлі де ұлғая түсуі мүмкін. Биыл облыстағы егістіктің жалпы көлемі 320 мың гектарға жеткен еді. Оның 46 мыңы күздік, қалғаны жаздық дәнді-дақылдар алқабы. Дән себілген жерлердің 50 пайызы ғана сақтандырылыпты. Ауа райының қолайсыздығынан келген шығын енді сол сақтандыру заңының талаптарына сай өтелетін болады.
Денис Ұмашев, облыстық ауыл шаруашылығы басқармасының бөлім басшысы
-Қалған мына 140 мың гектар алқаптан орташа өнімділік 5,3 центнер әр гектарынан. Облыс бойынша, 74 мың тонна астық жиналды. Бүгінгі таңда егін жинау науқаны толығымен аяқталды.
Серік Жарылғапов, Қазақстан фермерлер одағының БҚО бойынша өкілі
-Қазақстанда қазір бәленбай сақтандыру компаниясы болса да мына біздің Батыс Қазақстанға ешқандай компания келмейді. 5 жыл бойы түгел құрғақшылық. Фермерлер Одағының жанынан құрылған сақтандыру компаниясы осы жұмыстармен айналысып жатырмыз. Енді бар қолдан келген көмекті Қазақстанның Фермерлер Одағының сақтандыру компаниясы шаруаларға көрсетеді.
