"Нарындан тапкан махабат"
Ал күндү жүрөк унутпай,
Атыңды атайм угузбай.
Аярлап күндү кечирем,
Асманда аппак булуттай.

Көрө албас көздөр бизгелеп,
Көп сөздү айтар тизмелеп.
Көргөзбөй тилейм ичимден,
Көз тийбесе экен сизге деп.

Жабыгып өңдөн азармын,
Жан сырым ичке катармын.
Жараткан жалган дүйнөдө,
Жалгыз сиз үчүн жашармын.

Ансыз да өмүр азаят,
Аз чыгар сиздей аялзат.
Насыят болсун түбөлүк,
Нарындан тапкан махабат.
#айтыш #rek #кыргызстан #комуз #күү #рек #айтышдүйнөсү #2024

свернуть