წმინდა გულის ადამიანი ყველაფერში სიწმინდეს ხედავს. გარე სამყარო ხომ მხოლოდ და მხოლოდ თქვენი გულის ასახვაა. თუ მას სიყვარულით შეავსებთ, მაშინ ყველგან სიყვარულს იგრძნობთ. და თუ თქვენი გული სიძულვილითაა სავსე, გარე სამყაროშიც სიძულვილი აისახება.
ყოველივე ის, რასაც გარე სამყაროში ხედავთ, ისმენთ და განიცდით, თქვენი შინაგანი არსების მხოლოდ და მხოლოდ ასახვა, გამოძახილია და მეტი არაფერი. ყველაფერი კარგი და ცუდი, რასაც გარე სამყაროში აწყდებით, თქვენი საკუთარი ანარეკლია. ასე რომ თითს ნუ გაიშვერთ სხვებისკენ.
გარშემო მთელი სამყარო თქვენი საკუთარი ქცევით განისაზღვრება. თუ კარგი ხართ, ასეთივე იქნება თქვენი გარემომცველი სამყაროც. შეცდომა იქნება ფიქრი იმაზე, რომ თქვენ გარშემო უამრავი ბოროტებაა. სინამდვილეში გარე სამყაროში მხოლოდ თქვენი სიავე აისახება. თუ დემონური გრძნობები გაქვთ, მთელი გარემომცველი სამყაროც ასეთად მოგეჩვენებათ. ხოლო თუ თქვენი აღქმა ღვთაებრივია, ყველაფერში ღვთაებრივს დაინახავთ.
თარგმანი ეკუთვნის ვაჟა ნარიმანიძეს, ezoterika.ge-ის ბიბლიოთეკიდან.
ხელოვნური ინტელექტის გახმოვანებით.
თუ მოგწონთ ჩვენი გახმოვანებული წიგნები, გთხოვთ გამოიწეროთ ჩვენი არხი და დაალაიქოთ ვიდეო. მადლობა თანადგომისათვის.
