Ақтауда Қазақстан мен Өзбекстан елдерінің әскерилері бірлескен оқу-жаттығу жиындарын өткізді. Екі кезеңге бөлінген "Қанжар-2023" жедел-практикалық іс-шара осы айдың басында басталған еді. Ал, оқу-жаттығуды екі елдің қорғаныс министрлері келіп бақылауға алды.
Қазақстан мен Өзбекстан әскерилерінің бірлескен оқу-жаттығу жиыны алдымен көрші елде өткен. Тамыз айының басында Өзбекстанда бас қосқан екі елдің қорғандары бұл жолы Ақтауға жиналды. Азаматтар "Оймаша" полигонында күндіз-түні жаттығып, тәжірибе алмасқандарын айтады.
БЕРДІМҰРАТ АБИБУЛЛАЕВ, 25/744 әскери бөлімінің командирі:
– Бұл оқу-жаттығудың басты мақсаты - шекарадағы заңсыз қаруланған топты біріге іс-қимыл ете отырып, олардың күшін жою. Және де бұл жерде бір-бірімізбен тәжірибе алмасу болып табылады.
Әскерилердің жаттығуы үшін Ақтаудағы полигонның да таңдалуы бекер емес. Себебі, бұл жер еліміздегі ауа-райы ең қолайсыз орын. Осындай құмды желде жаттығу қызметкерлерді одан сайын шынықтырады дейді өзбекстандық мамандар. Әрі мұндай бірлескен оқу-жаттығу террористік қатер туындағанда әскерилерге әрекет етудің бірыңғай алгоритмін әзірлеуге септігін тигізетінін айтады.
ӨЗБЕКСТАН РЕСПУБЛИКАСЫНЫҢ АРНАЙЫ ОПЕРАЦИЯЛАР КҮШТЕРІНІҢ ӘСКЕРИ ҚЫЗМЕТШІСІ:
– Бүгінгі күні қарулы күштерімізде болып жатқан іс-шара қандас Қазақстан Республикасында болып жатыр. Бұл оқу-жаттығу екі елге өзара жаңа тәжірибе алмасып, заманауи тактикаларды үйренуге арналған.
Операция барысында әскерилер заңсыз қарулы құрылымды анықтау, оқшаулау және оны жою тапсырмаларын орындаған. Елдімекенді күндіз шабуыл жасағымен босату және түнгі шайқаста содырлардың көзін жою жаттығуларын пысықтады. Ол үшін жауынгерлік машиналар, артиллериялық және зениттік кешендер, тікұшақтар, ұшақтар және ұшқышсыз басқарылатын құрылғылар жұмылдырылды.
Бізді әлеуметтік желіде оқыңыздар:
Информбюро 31 [ Ссылка ]
Informburo kz [ Ссылка ]
Facebook - [ Ссылка ]
Instagram - [ Ссылка ]
Vkontakte - [ Ссылка ]
TikTok - www.tiktok.com/@informburo31
Біздің сайт: www.31.kz және www.informburo.kz
Біздің WhatsApp +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал
