Құтқарушыларға бүгін құрмет көрсетілді. Шығармашылық академиясында өңір басшысы Ералы Тоғжановтың қатысуымен төтенше жағдайлар департаменті қызметкерлері күніне мерекелік шара өтті. Үздік қызметімен ерекшеленген 30 адамға медальдар мен алғыс хаттар табысталды. Сондай-ақ, шара кезінде техника және фото көрме ұйымдастырылған. Көрмеге 10 техника қойылды. 19-қазан құтқарушылар күні. Биыл Қазақстанда төтенше жағдайларға қарсы қызметінің құрылғанына 27 жыл толып отыр. Төтенше оқиға, табиғи, техногендік апаттардың арасында адам, жан-жануар, қоршаған ортаға залал келмесін деп, өз бастарын бәйгеге тігетін құтқарушылар қандай марапатқа болса да лайық. Жылына бір мәрте келетін кәсіби мерекелері қарсаңында бүгін төтенше жағдай қызметкерлері құрметіне Шығармашылық академиясында салтанатты жиын өтті. Үлкен залда көрермендер орнына жайғасқан құрметті қонақтар өнерпаздар ұсынған концерттік бағдарламаны тамашалап, бір сергіп қалды. Облыс әкімі Ералы Тоғжанов құтқарушыларды құттықтап, жылы лебізін білдірді. 30 қызметкер төтенше жағдайлар министрлігі мен облыс әкімі атынан марапатталды. Облыстық төтенше жағдайлар департаментінде 1000-нан астам адам қызмет етеді. Өңірде 25 өрт сөндіру бөлімі бар. Департамент қызметкерлерінің айтуынша, араларында қаһармандар өте көп. Батылдық, ерлік таныту олардың күнделікті жұмысы болғандықтан оны жария қылатындары аз. Ал Шығармашылық академиясы ауласында төтенше жағдайлар техникаларының көрмесі өтті. Айта кету керек, жыл соңына дейін бұл техникалар қатары 4 жеңіл көлік пен 2 дана жол талғамайтын көлікпен толығады. Биыл төтенше жағдайларға қарсы қызметінің құрылғанына 27 жыл толып отыр. 1995 жылы Қазақстан Республикасы Президентінің Жарлығымен Қазақстан Республикасының төтенше жағдайлар жөніндегі мемлекеттік комитеті құрылған болатын. Осының негізінде 19 қазан Құтқарушылар күні болып белгіленді. Әр өңірдегі департтаменттерде жедел құтқару жасағы, өрт сөндіру, апаттық медицина, суда құтқару секілді бірнеше құрылым жұмыс жасайды.
Сайт телеканала [ Ссылка ]
Twitter [ Ссылка ]
Вконтакте [ Ссылка ]
