“Xəzər Lənkəran” növbəti təlim-məşq toplanışını yekunlaşdırmaq üzrədir. Azərbaycan Premyer Liqasının 21-ci turunda səfərdə "Neftçi"nin qonağı olacaq “Xəzər Lənkəran” bu oyunun hazırlığına Lənkəranda start verib. Məşqlər gün ərzində iki dəfə olmaqla davam etdirilir. Bundan başqa paytaxtda meydana çıxacaq komandanın heyətində ciddi itkilər də var. Belə ki, komandanın iki aparıcı üzvü Tural Qürbətov və Ruslan Cəfərov cəza səbəbindən qarşıdakı görüşü buraxmalı olacaqlar. Fevral ayının 12-nə qədər Lənkərandakı bazasında hazırlığını keçirəcək “Xəzər Lənkəran” daha sonra paytaxta üz tutacaq.
