Një mbledhje maratonë dhe e tensionuar ishte ajo e Kryesisë së PD zyrtare, çka u tregua edhe pas vendimit të një pjese të deputetëve, pjesë e Kryesisë, të braktisnin mbledhjen. Menjëherë pas kësaj, këta deputetë, së bashku me Sekretarin e Përgjithshëm, njëherësh kryetar i grupit parlamentar, Gazment Bardhi, janë gjendur përballë dhunës verbale, presioneve dhe kërcënimeve nga militantë të ish-kryetarit të PD Lulzim Basha.
Këta militantë kanë qenë të pranishëm edhe në ambientet e brendshme të zyrave ku po zhvillohej mbledhja e Kryesisë, ku kanë ushtruar presion të vazhdueshëm për hapjen e garës për kryetar. Një veprim që flet për rikandidim të ish-kryetarit Lulzim Basha.
Kjo dhunë ka sjellë reagimin e Sekretarit të përgjithshëm Gazment Bardhi, i cili e konsideron si të pajustifikueshme e papranueshme.
“Dhuna verbale, presioni dhe shantazhi kundër deputetëve të PD që mendojnë ndryshe nuk janë mjete politike. Kjo sjellje prej grupimi paramilitar hedh në erë bashkëjetesën brenda kësaj force politike dhe dërrmon në mënyrë përfundimtare besimin e qytetarëve tek PD.”, shprehet Bardhi.
Më tej Bardhi thekson: “Duke dënuar me forcë aktet e dhunës kundër deputetëve të PD, anëtarëve të Kryesisë dhe gazetarëve, u kërkoj secilit kolegë të distancohen publikisht prej tyre. Përmes dhunës, presionit dhe shantazhit nuk ndërtohet asgjë afatgjatë, në interes të demokratëve dhe të Shqipërisë.”
Ndërkohë menjëherë pas këtyre zhvillimeve janë dorëhequr nga Kryesia Oriela Nebiaj dhe Flamur Hoxha. Hoxha thekson se heq dorë nga posti i Sekretarit Organizativ teksa shton se nuk është në lartësinë e asaj Kryesie.
Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.
Për më shumë vizitoni: [ Ссылка ]
Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#TopNews#LulzimBasha#TopChannel
Ещё видео!