Lajme Arkiva - TV Klan 2002
Kryetari i PD Sali Berisha, ka zbuluar sot në Parlament, lëvizjen politike të radhës të opozitës. Së bashku me grupet e tjera parlamentare, Berisha do të përpiqet të largojë Fatos Nanon nga detyra e kryetarit të komisionit të jashtëm parlamentar. Zoti Berisha, ka bërë të njohur këtë qëllim, kur kërkohej që Ministrja e Jashtme Arta Dade të raportojë në parlament, për takimin Nano-Millosheviç në Kretë, pasi t’i ketë kërkuar qeverisë greke, shiritat e bisedimit të bisedave mes tyre.
Sali Berisha:- “Unë mund t’u deklarojë me përgjegjësi të plotë, se ky njoftim është autentik dhe i dhënë nga agjencitë e lajmeve, ndër të cilat më prestigjiozja Reuters, për të mos cituar këtu deklaratën e kasapit të Ballkanit që sapo u kthye në Beograd dhe po u rikujtoj zoti kryetar, deklaroi në Beograd se për herë të parë, pas 50 vjetësh, një kryeministër shqiptar, pranon Kosovën si çështje të Serbisë. Më tej, jeni të gjithë dëshmitarë, se nga Lisbona, ishte një vazhdim i Kretës, u deklaruan të njëjtat gjëra. Tani ky zotëri, mund të kryesojë 1 ose 5 Parti Socialiste, por ky zotëri nuk mund të kryesojë komisionin e politikës së jashtme të këtij parlamenti”.
Kërkesa e Berishës, pritet të merret këto ditë në konsideratë nga autoriteti parlamentar, duke çuar kështu një hap përpara luftën në skenën politike, që sipas Berishës është tre polare”./tvklan.al
Gazetare – Elona Meço
SUBSCRIBE to “RTV KLAN” on YouTube for more videos!
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
