Հունաստանում հրշեջ ինքնաթիռ է կործանվել, օդաչուները մահացել են

Երեկ հունական Էվբեա կղզում անտառային հրդեհների մարման ժամանակ կործանված հրշեջ ինքնաթիռի օդաչուները մահացել են, հայտնում է Հունաստանի ռազմաօդային ուժերի գլխավոր շտաբը։
Հունաստանի պաշտպանության նախարար Նիկոս Դենդիասը այս կապակցությամբ եռօրյա սուգ է հայտարարել։
Հունաստանում հրդեհներ են սկսվել՝ բարձր ջերմաստիճանի ֆոնին՝ երկրի կենտրոնական հատվածում այն հասնում է 44 աստիճան Ցելսիուսի։ Հունաստանի օդերևութաբանական կենտրոնը նախազգուշացրել է, որ վաղը շոգի նոր ալիք կարող է հարվածել երկրին, որը կարող է հանգեցնել նոր հրդեհների առաջացման։

Անտառային հրդեհները շարունակվում են, մասնավորապես, Հռոդոս, Կորֆու և Էվբեա կղզիներում։ Հռոդոս կղզում իշխանությունները ևս մեկ տարհանման հրաման են տվել՝ այս անգամ Հռոդոսի հարավ-արևելքում գտնվող Վաթի լեռնային գյուղի բնակիչներին։
Հազարավոր զբոսաշրջիկներ արդեն տարհանվել են կղզուց՝ գրեթե մեկ շաբաթ կղզու որոշ հատվածներում մոլեգնող հրդեհների պատճառով։
Հունաստանի իշխանությունները նաև կոչ են անում տարհանել Հունաստանի քաղաքացիներին և զբոսաշրջիկներին Կորֆու կղզու Իմերոլիա հյուսիսարևելյան ափամերձ շրջանից:
Հունաստանի իշխանությունները նաև նախազգուշացում են տարածել Կրետե կղզում անտառային հրդեհների բռնկման հնարավորության մասին։

#shorts
Մեր ուղիղ հեռարձակումները դիտեք այստեղ՝ [ Ссылка ]

Ազատություն TV-ին հետևեք նաև Ucom-ի 222, Rostelecom-ի 18 և TeamTV-ի 3-րդ ալիքներով

#ազատություն #լուրեր

🔶 Facebook – [ Ссылка ]
🔶 Youtube – [ Ссылка ]
🔶 Instagram – [ Ссылка ]
🔶 Twitter – [ Ссылка ]
🔶 Telegram – [ Ссылка ]

свернуть