Дзæуджыхъæуы муниципалон сконды сæргълæууæг Икъаты Русланбег фембæлд горæты цæрджытимæ. Исæнуатмæ æрбацыдысты алыхуызон фарстатимæ. Курдиаттæй иу баст уыд Дзæуджыхъæуы аивдзинадмæ фылдæр æргом аздахын. Бирæты тыхсын кæнынц сæ цæрæнуæтты уавæртæ. Æххуысмæ бахатыдысты республикæйы сфæлдыстадон интеллегенцийы минæвæрттæ дæр.
Зæгъæм хорз уаид гом арвы бын нывгæнджытæн музей куы фæзынид, уый. Сфæлдыстадон адæм–иу уым равæриккой сæ хуыздæр куыстытæ. Уыцы хъуыдыимæ Икъаты Русланбег сразы. Цæрджытимæ ныхас кæнгæйæ Дзæуджыхъæуы муниципалон сконды сæргълæууæг зæрдæ бавæрдта алы хъуыддагмæ дæр бæстон æмæ лæмбынæгæй æркæсын. Райхалинаг фарстатыл кусдзысты къæпхæнгай.
Фембæлды рæстæг иу курдиат дæр æнæ дзуаппæй нæ баззад. Хъæугæ хæслæвæрдтæ лæвæрд æрцыдысты дзуапдæттæг кусджытæн.
_________________________
Мы рядом в:
vk.com/irystontv
instagram.com/irystontv
youtube.com/irystontv
twitter.com/irystontv
ok.ru/irystontv
