Шымкент қаласына кіре берісте жол-көлік апаты болып, салдарынан 13 адам көз жұмды. Оқиға түс кезінде Бозарық ауылына жақын айналма жолда болған.
Тараздан Шымкентке қарай келе жатқан жүк көлігі мен «Мерседес спринтер» маркалы жолаушы тасымалдайтын шағын автобус соқтығысады.
Оқиға куәгерлері мен полиция қызметкерлерінің айтуына қарағанда, шағын автобустың жүргізушісі жол ережесін бұзған. Солға бұрылғалы жатқан тіркемесі бар жүк көлігінен озбақшы болған кезде, бүйіріне кіріп кетеді. Сол жерде 5 жолаушы бірден қайтыс болған. Тағы біреуі ауруханаға бара жатқанда көз жұмыпты.
Қатты жарақат алған үшеуінің өміріне дәрігерлердің емі көмектесе алмапты.
Салтанат Қаракөзова, ОҚО ІІД мемлекеттік тіл және ақпарат басқармасының басшысы
-Әртүрлі дене жарақатымен 12 адам ауруханаға жеткізілді. Оның үшеуі жасөспірім, төртеуі 6-7 жастағы балалар. Осы жайтқа байланысты ОҚО ІІД қылмыстық іс қозғады.
