Şəhid, Nəsirov Nahid Əlizamin oğlu, 11 dekabr 1995-ci ildə Saatlı şəhərində anadan olmuşdur.
Şəhid 2001-2010-cu illərdə Saatlı şəhər Cəfər Cabbarlı adına 3 saylı tam orta məktəbində təhsil almışdır.
2011-2015-ci illərdə Şirvan Dövlət İqtisadiyyat və Humanitar kollecində İbtidai sinif Müəllimliyi ixtisası üzrə təhsil almışdır.
2015-2017-ci illərdə Azərbaycan ordusunda hərbi xidmətdə olmuşdur. 2016-cı il Aprel döyuşlərində pulemyotçu 'PKM' silahı ilə fəal iştirak etmişdir. Göstərdiyi şücaətə görə komandanlıq tərəfindən Təşəkkürnamə və əlavə məzuniyyətlə təltif olunmuşdur.
Hərbi Xidməti bitirdikdən sonra Saatlı rayon Alı Mustafayev adına Qıraqlı kənd ümumi orta məktəbində ibtidai sinif müəllimi işləmişdir.
2020-ci il Tovuz döyüşləri zamanı könünlülər sırasına ilk yazılanlardan olmuşdur. Vətən müharibəsi başladıqdan 2 gün sonra ordu sıralarına qoşulur. Füzuli, Cəbrayıl,Xocavənd və Şuşa uğrunda gedən döyüşlərdə qəhramancasına döyüşüb. Döyüş zamanı xeyli sayda erməni məhv edib.Şəhid olacağını hiss edən Nahid saatını qolundan açır və bunu qardaşım Yusifə verərsiz deyib döyüşə atılır.
8 Noyabr Şuşa uğrunda gedən döyuşlərdə aldığı qəlpə yarası nəticəsində şəhidlik zirvəsinə ucalmışdır. 10 Noyabr 2020-ci ildə Saatlı şəhərində dəfn olunmuşdur.
