Тобыл өңірінен кейін Президент Ресейдің Челябі қаласына барды. Нұрсұлтан Назарбаев онда ресейлік әріптесі Владимир Путинмен екі елдің XIV өңіраралық ынтымақтастық форумына қатысып жатыр.
Биылғы жиын адами капиталды дамыту тақырыбына арналған. Білім мен ғылымдағы тың тәжірибелер де басты назарда. Басымдық өндіріс пен бизнестегі байланысты бекемдеуге беріліп отыр.
Жұмыс сапары аясында Мемлекет басшысы Ресей Президенті Владимир Путинмен кездесу өткізеді деп күтілуде.
